莊思敏懶理JPEX風波開心笑談騙案勁吸負評惹網民怒轟「出嚟獻世」

即時娛樂

更新時間：12:00 2023-09-26
發佈時間：12:00 2023-09-26

虛擬資產交易平台JPEX無牌風波持續發酵，藝人張智霖、莊思敏及風水師陳定幫先後到警察總部協助調查。上周從馬來西亞探親返港的莊思敏，近日已正式投入工作，日前更無懼攻擊，在小紅書拍片笑談「騙案」，結果再惹爭議。

【相關閱讀】：JPEX案丨莊思敏舉心心報平安首發聲明指外遊期間主動預約警方協助調查

【點擊睇莊思敏談騙案】：

事緣莊思敏日前上載一段影片自揭遇騙案，她表示專程去一間網紅咖啡店打卡，更在門外排足15分鐘，未料進店後發現與網上介紹的裝潢完全不同。片中，莊思敏邊笑邊呻：「同我喺網上睇嘅（相）差太遠喇，我直頭極度懷疑，哈哈。」並謂向店內職員詢問，對方解釋是網上介紹圖是數月前的裝修，她續笑稱：「我好想知究竟呢間餐廳嘅老闆係乜嘢裝修概念，將原本好靚好啱打卡嘅地方變成而家咁簡約嘅地方。」

語畢莊思敏便帶大家參觀店內環境，指唯一「無呃人」的地方是無敵靚景觀，惜她卻被安排坐在遠離窗邊的位置，莊思敏站在一對父子食客旁邊抱怨：「如果佢（餐廳）畀呢個景我坐呢，我會開心好多，我會冇投訴嘅，可惜畀咗對浪漫嘅父子坐咗呢個位。」

【點擊睇莊思敏捲JPEX無牌風波】：

結果此Po一出引來一地負評，不少網民寸爆留言：「騙案？你講你自己嗰單啊？」、「仲好意思出嚟獻世」、「你常常給人騙，點解，因為你笨」等，對此莊思敏一於懶理，昨日（25日）繼續於IG Story貼出開心Set頭照。然而莊思敏早前已急急澄清，自言是苦主之一，損失達六位數字，並指會對不實報道及傳言保留法律追究權利。