思家大戰｜高海寧爆「金牌媒人」Bob曾介紹男友 傅嘉莉淡妝「走樣」嘲洪永城眼細
發佈時間：23:44 2023-10-07
高海寧（高Ling）今日（7日）到電視城錄影《思家大戰》，高Ling指今次是首次玩，已感受到遊戲的緊張氣氛，又笑言因為有現金獎所以會盡力玩，希望賺點錢幫補屋租及開支。
對於近期樓市回落但租金升，現時有樓放租的高Ling笑言自己只是出錢，其餘事情也交給父母處理，身邊的朋友更提醒她不要入市，問到不時在大陸工作的她，是否有打算在當地置業？高Ling說：「冇，因為唔了解，賺錢好辛苦，所以要小心處理啲錢。」問高Ling現時這間屋是否她的「姑婆屋」？她聽後即笑指這形容詞不好：「無論叫咩屋都好，買多幾層樓都係好事，所以唔好理，俾心機賺錢先。（唔係應該俾心機搵返個老公？）我成日覺得係遇到，阿Bob有嘗試介紹俾我，但我比較信緣份，見完之後大家都要睇適唔適合？Timing啱唔啱？我成日都覺得Timing好重要，所有嘢都係睇緣份。」
提到黃智雯剛與拍拖11年的圈外男友結婚，高Ling指也很戥對方開心，不過她指每個人的感情運也不一様，自己若要愛情長跑11年也不介意，又直言結婚生小朋友是很正常的事，若自己遇到適合對象也會公開，問她是否會閃婚？高Ling說：「以我對我自己嘅認識應該就唔會，我覺得了解嘅過程係需要時間，唔係話傾兩句偈就知道大家係咩人。」
【點擊睇《思家大戰》錄影現場】：
思家大戰｜吳若希兒子劃花名牌袋唔肉赤
而吳若希（Jinny）、蔡潔、傅嘉莉及陳星妤等亦為遊戲節目《思家大戰》擔任嘉賓。對於兒子Kylian在她價值逾18萬的名牌手袋上畫花成「限量版」，Jinny澄清自己用正價買，所以不用18萬那麼貴：「都肉赤嘅，唔係，我一啲都唔肉赤，因為佢（兒子）喺世界上最最最最最最勁嘅藝術家幫我畫，所以我一啲都唔肉赤，我覺得好值得留戀，直頭唔想抹咗佢。（抹咗未？）抹咗七成，我留低咗三成。」Jinny指兒子不是刻意畫在手袋上，所以並沒有責怪他，只怪自己沒有放好手袋，在得知手袋被畫後只覺得很驚喜：「唔係個個都可以擁有呢種藝術嘅天份，所以我好希望培養Kylian成為藝術家，當佢真係成為咗藝術家之後，我唔介意佢喺（手袋）上面作畫，係值錢嘅，喺我心目中係無價，就算有人出100萬買我都唔會賣。」
問到會否叫老公送一個新的手袋給她，Jinny笑指對老公的要求不高，只要他平時不要有太多意外發生就已經是天大的獎勵，只要他每天在家教導小朋友做功課就已經覺得很欣慰，比有沒有新手袋更重要，在旁的蔡潔笑言剛剛才知道此事，笑言覺得媽媽很偉大，雖然自己家中有貓，但貴重的物品不會放在枱面，但若出現這樣的狀況也沒有辦法，不過自己沒有特別名貴的東西。
思家大戰｜蔡潔鍾情睇樓
蔡潔對於早前為愛貓慶祝生日，意外曝光其千萬豪宅，蔡潔謂只是租住，自己亦希望日後能有一個家，問到會否趁樓價低入市？她說：「我有留意樓市，我幾鍾意睇樓，因為我覺得睇多啲唔同嘅樓，係幾有趣嘅事，如果以後有一個儲備，我都會想買樓，但呢個需要時間。（同你睇樓係男定女？）男女都有。」而此時Jinny即時幫口說是經紀，而蔡潔又指自己會陪朋友睇樓，若有需要也可找她一起去，Jinny就指自己也很喜歡睇樓，雖不會像蔡潔一樣買樓，但就打算考經紀牌，不過她又笑言自己數學差，叫大家不要找她買樓。
傅嘉莉（Kelly）與陳星妤則表示兩人在《香港人在北京》合作，Kelly指兩人在劇中要爭洪永城，又謂今次要演麻甩男仔頭所以祼妝拍劇，最開心是裸妝後連工作人員也認不出她，問到是否擔心會被觀眾批評走樣？她說：「唔驚，企喺洪永城隔離點都靚，起碼隻眼一定大過佢。」Kelly指稍後又會和陳星妤第三度合作，兩人亦將會出發到深圳拍新劇《法證先鋒VI》，當中亦會有同一條感情線，不過Kelly就笑言今次的對象比洪永城吸引很多，較容易投入，不過陳星妤就表示洪永城教了她很多事，問到是否從小就已經看他做戲？陳星妤說：「我唔敢咁講，佢係我前輩，同埋佢keep得好好。」
【其他文章】：
思家大戰丨羅家英聞老婆未能陪赴貴州「食翅慶祝」 汪明荃禁再提內褲顏色
思家大戰丨陳庭欣率「東張女神」集體露膊 玩香肩人浪大騷曲線美
思家大戰丨炎明熹讚大姑丈唱歌好聽 擔心失飯碗：我以後唔使唱歌喇
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
