張衛健為照顧媽想學急救傍身相隔6年有衝動再拍廣東話劇集

更新時間：20:30 2023-10-19
發佈時間：20:30 2023-10-19

58歲張衛健自從2017年拍完TVB重頭劇《大帥哥》後，有一段時間未有再現身幕前拍劇，專心照顧媽咪，其後因為疫情，與太太張茜一度分隔兩地生活，幸好未有影響夫婦感情。近日張衛健返港廣告，言談間坦承有衝動再拍攝香港劇集，甚至因為身邊人，希望去學一門技能！

【相關閱讀】：張衛健做孝順仔陪八旬母撐枱腳！張母曾遇溺險死胞弟5年前暴斃難向母交代

【點擊睇張衛健最新近況】：

拍攝當日，張衛健一口氣換了6個造型，雖然有多年演出經驗，但面對酷熱天氣，張衛健笑言要「嗌救命」：「真係熱到離晒譜，仲要拍我打拳，我都驚自己熱到爆血管，不過做演員都習慣晒，冬天拍夏天嘢，夏天拍冬天嘢，好彩啲動作都好簡單。」但張衛健表示很享受拍攝的過程，言談間坦言有衝動再拍攝香港劇集，「拍《大帥哥》之前，又隔咗好耐冇拍講廣東話嘅戲，對我嚟講，可以用廣東話演戲，係一件好舒暢、好有快感嘅事。」

目前過着半退休生活的張衛健，他未有停下學習的腳步，現階段有一樣技能計劃去學：「無論幾多歲，都要追求緊一啲嘢，保持好奇心，要學習、提升，令自己進步。最近我想學急救，即係如果身邊有人有事，甚至係咁啱遇到嘅任何人有問題，我都可以幫手，我覺得呢樣嘢終身受用，可能真係救咗人哋條命，甚至人哋一家㗎喎。」張衛健自2019年開始，一直未見有工作，甚至與太太張茜一度分隔兩地生活，其後張衛健曾於2021年受訪透露，原來近年專注照顧媽媽，幾乎每次媽媽覆診都由他陪伴。張衛健的媽媽曾在2013在在酒店泳池遇溺，更兩度心跳停頓，當時他立即返港，但他坦言其實當時早已打定輸數，幸好張媽媽後來奇蹟地醒來，張衛健自此減產，花更多時間留在媽媽身邊。