劉鑾雄記者會丨講完《東張》再講《愛回家》女演員 首次接觸潮語「壞過凱婷」：吓？
發佈時間：18:17 2023-11-10
富商「大劉」劉鑾雄今日（10日）突然召開記者會，澄清內地多篇文章指他命危，將「甘比踢出局」等失實傳聞，雖然未有指名道姓，但其間多次大爆舊愛呂麗君臭史，更直呼對方為「賤人」。今年初記者會大劉更提到《愛．回家之開心速遞》角色「食屎陳師奶」，今日大劉再講《愛回家》外，還提到《東張西望》，又回應記者講潮語「壞過凱婷」，非常爆笑。
【相關閱章】：劉鑾雄記者會全程直擊！大劉透露將改遺囑「執行老婆意思」 坦言開記招目的：至少還一個公道畀太太
【點擊睇大劉記者會】：
批《愛回家》某女演員笑得硬膠
今日記者會尾段，身為粉絲的大劉被記者問到有無繼續看《愛．回家》，大劉直說：「有！」至於有無叫子女多點「回家」，大劉斬釘截鐵的說：「無！因為佢哋個個都會。」之後大劉還續言：「你講起《愛回家》就好笑，我見到有個角色，唔開名啦，廢事話我針對佢；佢笑起上嚟真係硬膠，肌肉實到唔識郁㗎！（邊個啊？男定女？）男就好少整到咁硬膠，梗係女㗎啦，啲肌肉真係硬晒唔識郁，咁人哋都係為咗搵食。」
以《東張西望》個案作例子
記者會期間，大劉亦提到全城熱爆的節目《東張西望》，原來大劉睇《愛．回家》前也有睇《東張》，提到分身家一事，大劉就以《東張》日前的個案作例子：「有冇睇早排《東張西望》？有個肥女人嫁咗四次，結果連個仔公屋個名呃埋。」
除電視節目，自稱不會用電話、電腦的大劉，今日亦經記者接觸到潮語「壞過凱婷」。大劉狠批「賤人」我見壞人都見唔少，但咁X賤咁X壞嘅人，都係第一次見。」此時有記者問：「壞過凱婷？」大劉顯得有點一頭無緒：「吓？壞過咩？咩凱婷？」記者解釋是潮語，意指好壞嘅女仔，大劉說：「我唔知，真係唔識呢啲嘢，我呢啲又老又out，而家識喇，但我都唔知咩意思。」記者續說：「食煙就係壞，佢（凱婷）食夠兩支。」大劉：「咁你認為食煙壞唔壞，你話食白粉、食可卡因，定係食煙壞吖？」意外拆解凱婷食兩支煙其實不算太壞！
評恒大歌舞團：好大個籮柚
記者會上亦提到恒大損手一事，其間有大劉問到有否去過「恒大歌舞團」，大劉直說：「第一，真係完全冇，我發誓！第二，好多大陸朋友最興用女色嚟Please男人，你認為大陸朋友用女色嚟please我work唔work呀？唔work囉我同你講，講完啦，嗰啲咁嘅嘢第一，雖然我今日又老又企都企唔穩，我都唔係要識嗰啲咁嘅……」
不過大劉直言有見過「恒大歌舞團」的照片：「有冇睇嗰啲相呀？個個籮柚都着咗打底褲，都好大個籮柚，我見到啲相咋，我未見過啲歌舞團。每個人做生意方式都唔同，起碼你冇乜聽過我搵班靚女出去應酬呢啲商界朋友，個個style都唔同。」
【其他文章】：
劉鑾雄記者會丨大劉爆有人一支牙膏一張單分3次claim：再喺超市執單嚟claim
劉鑾雄記者會丨讚太太甘比「好聽我話」：佢清楚啲錢係我好辛苦賺返嚟
劉鑾雄記者會丨暗指呂麗君請人做打手造謠 撐太太甘比助賺過200億
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
