朱慧敏抱B一家三口直播！標緻女兒全程勁乖唔扭計萌到爆 預告將開Live餵奶
發佈時間：23:00 2023-11-12
現年42歲的朱慧敏本月1日凌晨時份，宣布為心臟科醫生老公陳良貴誕下囡囡。產後不足兩周的朱慧敏已經火速修身，仍未坐完月，早前已經復工開直播；今晚（12日）朱慧敏更帶同B女，與老公齊齊開live講湊女經，並公佈囡囡叫Shera。
【相關閱讀】：朱慧敏生B不足兩星期已火速修身 心思思有衝動想生第二個
【點擊睇朱慧敏一家三口直播】：
仍未坐完月的朱慧敏今晚在facebook進行直播，醫生老公陳良貴現身外，還抱着囡囡一家三口登場。全程直播約22分鐘，B女Shera表現非常穩定，全程都乖巧的躺在爸爸身上，不過間中亦有踢腳，而且樣貌好標緻，身長腳長，似乎遺傳到港姐亞軍媽咪朱慧敏的良好基因；不過朱慧敏在直播時，表示B女好似爸爸：「係佢個樣，哈。」還表示Shera與爸爸細個一模一樣。
朱慧敏在直播開始表示，B女剛由爸爸沖完涼，又餵完奶，還為B女着上新衫，做足準備直播，還笑言徵求BB意願才直播。朱慧敏還透露BB相當醒目：「其實同佢講嘢佢知㗎，頭先問佢食唔食奶奶，食就擘大口，佢擘大口之外，仲伸脷。」朱慧敏又公布已為囡囡改名，英文名叫Shera：「代表光明嘅意思，我哋希望佢成個人生都健健康康、開開心心，充滿住光明，生命可以照亮自己，亦都可以照亮別人。」朱慧敏還表示B女比剛出院時已經長大不少，現在每餐要食4安士奶。
【點擊睇朱慧敏B女出院】：
兩夫婦全程笑容滿面，即使隔着螢幕亦能感受到朱慧敏一家三口的幸福。朱慧敏還大讚老公昨晚下班就開始照顧小朋友，讓她能夠休息。朱慧敏笑說自己平常是24小時更，而老公則解釋：「好多謝太太，因為日頭我要返工，得佢睇住BB。」雖然朱慧敏老公說着晚上要餵奶，無得瞓，但臉上依然滿是幸福笑容，又指今日爸爸播BLACKPINK歌曲給B女聽。朱慧敏在直播最後，更表示下次會深夜直播餵奶！
【其他文章】：
朱慧敏B女出院回家！老公親自操刀影母女照 手長腳長盡得媽媽真傳
朱慧敏宣佈誕下6磅半小公主！感覺猶如天使降臨：感謝選擇做我們的女兒
朱慧敏陀B九個月晒三點式手腳好纖幼 學餵人奶換片醫生老公變「豬隊友」？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
