莫文蔚將跟老公回鄉過聖誕節揭奶奶要求於德國做一事

更新時間：22:35 2023-11-16
發佈時間：22:35 2023-11-16

莫文蔚（Karen）今晚（16日）以亮燈嘉賓身份出席商場聖誕裝置亮燈儀式，莫文蔚透露今年會到外籍老公Johannes的家鄉德國一起度過歐式的聖誕節，但煮製菜式就交由奶奶負責，更大讚奶奶廚藝了得。莫文蔚說：「佢每年都會整曲奇餅，奶奶仲成日叫我喺德國開演唱會。如果開的話，可以加入古典音樂元素就特別啲。」

【點擊睇莫文蔚為商場聖誕裝置亮燈】：

莫文蔚更透露在德國逗留一星期後，便回港做跨年騷，並謂今年慶祝入行三十周年舉行展覽，因為反應很好，希望可到其地地方舉辦。她說：「台灣一定要去，2019年最後一個大型演唱會就喺台灣，呢個展覽一定喺嗰度搞。」問到可有計劃開騷？莫文蔚表示一定會，不過想一個大型的演唱會，並加入科技元素，能夠全世界同步直播。

另外，提到周星馳為新戲《少林女足》招募女演員，莫文蔚大讚構思不錯，題材很吸引，皆因足球是全世界的語言。問到可有興趣演出？莫文蔚說：「等佢諗到先！如果有機會演，梗係演魔鬼身材嘅教練啦！」談到不少女演員拍片自薦演出，問到可有貼士給予她們？莫文蔚坦言有留意，又認為擁有魔鬼身材是基本要求，亦要有個性，若然識得唱歌又有美腿會加分。