郭柏妍自爆聖誕未試過與男士約會 靠何廣沛出口成功與佘詩曼集郵
發佈時間：17:50 2023-11-26
郭柏妍（Rosita）今日（26日）在太子出席商場聖誕活動，化身成聖誕大使的郭柏妍，笑言多年來聖誕節跟家人度過，適逢是考試季節，也會在家中溫書，並謂今年未有人約她。
【相關閱讀】：新聞女王丨佘詩曼霸氣登場主播tone成焦點 郭柏妍學生妹look清純感大爆發
【點擊睇郭柏妍出席聖誕活動】：
郭柏妍說：「聖誕節要唔要開工暫時未知，如果有機會想請家人去旅行，去邊都無所謂。」郭柏妍表示讀書時期未試過聖誕節有人向她表白，更自認是絕緣體，所以經常跟女性朋友度過。談到緋聞男友丁子朗參與《亞洲超星團》剛巧放假回港，可有相約出街？郭柏妍說：「我哋係普通朋友。」郭柏妍又指台慶當晚大家曾碰面，雖然該節目昨日首播，但自己忙於為新劇《飛常日誌》開工而懵然不知。
郭柏妍靠何廣沛相助與佘詩曼合照
提到丁子朗在該節目的初印象人氣排名在21位，郭柏妍說：「佢本身係好努力嘅人，靠佢自己得啦！唔使幫佢拉票。」另外，有份為台慶劇《新聞女王》參演的郭柏妍，表示戲中有四眼妹Look造型，從未試過在幕前化淡妝，亦未想過能夠跟佘詩曼有對手戲，令她有點緊張。提到佘詩曼經常「萬歲」，郭柏妍笑說：「我無食過燉湯同鮑魚，嗰日有得飲珍珠奶茶，其實我場口唔多，有得飲好好呀！」郭柏妍又指過往睇不少佘詩曼主演劇集，更認為對方是心目中的視后人選，今次可以近距離接觸，對方像一本教科書感覺好夢幻，本身不夠膽邀請對方合照，最後由何廣沛出口相助，郭柏妍說：「我都想跟李施嬅合照，最後無影呀！我怕阻住人哋做嘢，等套劇慶功就有機會啦！」
【其他文章】：
TVB台慶2023丨丁子朗銀髮Look現身再惹負評 率《亞洲超星團》兄弟爆比賽辛酸
26歲TVB女神郭柏妍驚爆有男友？與神秘男頭貼頭慶祝生日 疑公開戀情惹討論
郭柏妍重手濾鏡嚇人雙眼放大又凸 網民驚訝黎諾懿一齊直播帶貨無事
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
