陳凱琳親回鄭嘉穎疑被表弟暗寸雙面人認與王賢誌少聯繫力撐老公做自己

即時娛樂

更新時間：12:15 2023-12-09
發佈時間：12:15 2023-12-09

陳凱琳今早（9日）到主題公園岀席活動，她表示大仔和二仔也很喜歡大自然及昆蟲，受訪時笑指家裏現時已養了甲蟲，更差點養蛇，又笑指囝囝曾見到曱甴亦想養。

【相關閱讀】：鄭嘉穎舊愛王馨平突捲是非！疑被甄妮暗寸反骨雙方曾鬧上法庭終斟茶道歉

【點擊睇陳凱琳回應鄭嘉穎是非】：

提到早前貼出旅遊照，令她被網民指在老公鄭嘉穎與馬國明的事件「火上加油」，陳凱琳指自己當時去了摩洛哥工作，其間也寓工作於娛樂，自己貼相的原意是有感在香港太大壓力，希望可藉着照片帶給大家快樂，以及分享這次旅遊的感受，但就沒有想過這些照片會令引發這些事：「唔會唔開心，有時啲嘢冇話計到咁準確，但當然，下次的話我可以留意多少少，喺一個適合post嘅時候可能就會有更好嘅效果畀大家。」

對於鄭嘉穎的言論被指用詞不太恰當，陳凱琳則指之前解釋過，也不想多作解釋：「不過之前都有講過，我老公講嘢比較簡潔，其實呢一面大家都知道，佢永遠都係鄭嘉穎，無論係工作時候嘅鄭嘉穎，或係朋友上嘅鄭嘉穎，都係一個好精簡嘅人，呢樣嘢某程度上都可以欣賞，因為係比較真性情，直接啲，當然係今次情況有少少俾人誤會佢嘅意思，我覺得都過咗去。」

【點擊睇鄭嘉穎馬國明傳不和】：

對於鄭嘉穎的表弟王賢誌於社交網留言指有人是「雙面人」及「日久見人心」，被人揣測他在說鄭嘉穎，陳凱琳表示知道，又指工作時曾遇過王賢誌幾次，覺得對方是一個很重情的人，所以很欣賞對方，也希望他每一段關係同感情都可以最好：「因為佢哋應該係由細識到大，可能喺成長中少咗接觸同見面，但都希望佢哋嘅關係可以一直保持最好同見多啲面，傾多啲偈，所以我覺得唔係惡意，我相信佢哋只不過想關係更加好。（即係話王賢誌講緊鄭嘉穎？）呢個我就唔清楚，只係留意到佢有寫呢樣嘢，無論佢係講我先生又好，講其他人都好。（但係講緊雙面人同日久見人心。）咁就唔知，但佢一直都好統一就係做番自己，希望識得佢嘅人都知道呢樣嘢。」