J2主持文頌男患癌丨半年前腰痛揭發患罕見癌症自爆曾陷情緒抑鬱萌輕生念頭

更新時間：21:00 2023-12-27
發佈時間：21:00 2023-12-27

J2節目《不正常愛情研究所》主持文頌男（Koba）近日自揭數月前確診患癌，椎間近盤骨位置生了一個6厘米大的惡性腫瘤，目前正接受化療導致狂甩頭髮，最後他索性剃光頭髮。雖然文頌男積極樂觀抗癌，但日前在社交網進行直播時，坦言曾因情緒抑鬱一度萌輕生念頭。

【相關閱讀】：J2主持文頌男患癌丨光頭新相曝光！自揭化療致狂甩頭髮每4小時食嗎啡止劇痛

【點擊睇文頌男你問我答】：

文頌男今午（27日）於IG貼出臥床自拍片，親解網民對其病況的疑問，他透露自己患罕見的尤文氏肉瘤（Ewing's Sarcoma），一般在未成年男性身上發病機會較高，家族亦全無癌病史，文頌男笑道：「我（肉瘤）生嘅位置喺脊椎S1至S2附近，應該係椎間入面生出嚟，係非常之罕見，所以我覺得自己真係萬中無一，天選之人，係上天揀中嘅細路先會有呢個病。」

文頌男初誤診為椎間盤突出

談到半年前開始腰痛，起初症狀與椎間盤突出相似，於是文頌男去看脊醫照X光，當時仍未發現任何異樣，結果治療近兩個月沒好轉，情況更嚴重了，最終到醫院詳細檢查，始發現體內有一個腫瘤。被問到癌症第幾期？醫生可有說多少成數痊癒？文頌男答：「醫生冇特別話第幾期，但我個腫瘤而家冇擴散，所以都應該算係一、二期。至於幾多成好番？呢啲問題我都成日問醫生，但佢唔會話好Firm咁答你，佢話而家好難講，暫時我自己體感覺得化療係有效、舒緩咗好多，希望一路治療都有效啦。」

【點擊睇文頌男型仔相】：

文頌男為避實習想放棄生命

其實日前文頌男亦有開直播跟大家傾偈，其間講到大學時期讀雙學士，曾因情緒抑鬱而欲輕生：「當時唔想去中學實習，我直情想放棄教育學士學位，只留一個藝術科學位，但Supervisor勸我唔好放棄，去中學實習前一日我真係想割脈放血，就算死唔去，都重傷唔使去教書……當然最終冇做到，好唔開心咁去咗間學校，全程都要收埋情緒扮冇嘢，照樣準備好教材去工作，唔想麻煩到人，亦唔想浪費班學生時間，但每次到休息時間或放工就好想死。」

文頌男三陷難關靠自己捱過

文頌男自言人生三度陷入坎坷期，難關更是無休止出現：「家人朋友都幫唔到手，所有嘢靠自己，今次唔知捱唔捱得過，捱得過之後又有更大嘅難關，都唔知點面對。」又透露曾被娛樂公司欺騙，但詳情不欲多提，只望可繼續做幕前工作，他說：「我好想唱主題曲，《不正常愛情研究所》主題曲畀我唱啦！或者拍一啲綜藝節目，好似《膠戰》咁，玩好癲嗰種！」最終更搞笑道：「如果大家想要個癌症男友，就DM我啦！」

【防止自殺求助熱線】：

香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
利民會： 3512 2626
賽馬會青少年情緒健康網上支援平台「Open 噏」：http://www.openup.hk