星8卦｜「才子」嫌棄「斯文」老土偷嗒野性新歡陷三角關係不自知

更新時間：11:30 2024-01-02
發佈時間：11:30 2024-01-02

「才子」到今日都係孤家寡人，其實係自己攞嚟衰，當初「斯文」同佢喺埋一齊，做到好似賓妹咁，大家都抵唔住頸，成日提醒「才子」要對人好啲。原來「才子」心底係鍾意啲野性女人，「斯文」好似教書老師咁，做節目主持有板有眼，亦都好有觀眾緣。

呢個世界送到埋身就唔值錢，「才子」見你鍾意我多過我對你好，有時對佢呼呼喝喝，但唔知係咪情債未還完，「斯文」好似鬼上身咁同佢住埋都不特止，仲日日煮好餐飯等佢返嚟食。後來有次佢喺出面識到條陪酒妹，俾嗰種爛撻撻又性感嘅行為外表吸引，唔夠兩個月就同「斯文」講要分開住，叫佢返屋企，仲唔使日日嚟，但要定時幫自己交雜費就得。

「斯文」好傷心，但依然做番女朋友本份，有次偷偷入去「才子」間屋，見到已經全部換咗陪酒妹嘅家當，「斯文」終於醒覺自己咁多年嘅付出係多餘，一句都唔講就徹底消失。最近佢終於撞到個老實人，兩個仲拍緊拖，好女人一定遇到好男人嘅，只要還晒啲孽債之後。咁陪酒妹又點呢？「才子」貪新鮮，痴迷得以為自己係世界上最幸福男人。但據知情人士講，陪酒妹同佢嘅靚仔消防員一直仲係有來往，至於「才子」嘅錢係咪足以令陪酒妹下定決心繼續，就要下回分解。

星8卦｜「奇萌」藝術家性格唔識搵錢「勢利」貪名牌甘心賣身養家

星8卦｜「牛奶仔」為前途同「大喱」扮情侶為真女友終止假新聞蝕章

星8卦｜「絕世」心急嫁「老公」被利用翻身後悔惟有扮低調

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ