東張西望丨74歲伯伯被商場自動門撞倒下半身癱瘓！ 長期臥床入安老院：乜尊嚴都無晒
發佈時間：23:00 2024-01-02
TVB節目《東張西望》今日報道一則74歲伯伯「黎伯」被商場自動玻璃門撞，其後跌傷導致下半身癱瘓，只能在床上度餘生。黎伯子女發律師信要求管理處不要刪除閉路電視，然而得到公証行回覆，指意外與自動門無關。
相關閱讀：東張西望丨林盛斌熟人家屬墮投資騙案 早已澄清兼報警仍遭不法之徙冒認
東張西望丨黎伯如何被玻璃門撞倒？
現年74歲的「黎伯」本來行得走得，更會與家人不時到其他地方遊山玩水，不過因為一場意外，竟然導致下半身癱瘓。黎伯去年6月相約一對仔女慶祝父親節，他由粉嶺家中出發，途經屋苑商場出入口期間，自動玻璃門竟然突然關上，令黎伯跌倒，黎伯直言：「自動門撞到我尾龍骨，成邊神經線都係麻痺，做人生不如死，慘絕人寰。」
黎伯憶述事發經過：「突然間唔知咩事，撞到我背脊，跟住我就瞓咗喺地下不省人事，啲人幫我打電話叫救護車。我上車之後，成個人都麻痺晒，我啲仔女打畀我，都聽唔到電話。都唔知點解會撞到我，唔通企喺度畀佢撞咩！大老好辛苦㗎！」被問到自動門的力度，黎伯直說：「都好大，如果唔係我都唔會即刻嗌，嗌完就跌落地下。」
黎伯又表示現時手不能用力外，腿部也不能動：「做咗物理治療、職業治療，都係咁嘅樣，有少少進展，又唔係冇。」黎伯又表示現在不能揸筷子，要靠別人餵食：「下下靠人哋，真係好慘，又無嘢做，又無收入，我下半世都唔知做啲乜！」
黎伯當時被送去北區醫院搶救，由於上半身向後落地，黎伯出現頸椎骨折，碎骨壓住神經線，而令黎伯下半身癱瘓，其後被送入安老院。黎伯直言對於事件不能接受：「你問下我個女，次次嚟到都喊。點解會咁，我本來行得走得，鍾意周圍去，而家食飯喺度（床上），大小便又喺度，你話幾慘，乜尊嚴都無晒，我同啲仔女講『我唔想做人，想快啲死咗去』。」現時黎伯所住的安老院正在意外現場樓上，每次子女推他外出時，黎伯亦不敢經過這道玻璃門：「真係好辛苦……晚晚發噩夢，瞓唔著，行街見到都唔敢行呢度。」
《東張西望》訪問屋苑街坊，有不少人也表示曾被該玻璃自動門夾到，其中一個妹妹表示：「我慢慢行過去，以為佢會打開，但被佢夾住。」又有伯伯表示見到自動玻璃門經常故障。黎伯兒子亦進行實測，即使黎伯兒子亦兩度被夾。黎伯一對子女向商場發律師信，要求管理處不要刪除閉路電視，然而得到公証行回覆，指受委託進行調查，發現意外與自動門無關，自動門亦無失靈，黎伯站在盲點令意外發生。黎伯女兒直說：「我覺得爸爸唔係經過咁樣撞，唔會咁嚴重。」黎伯對報告亦感到不甘心：「我唔係特登行埋去畀佢撞，唔關你事？唔通關我事？」明晚《東張西望》將走來專家分析自動門是否有失靈情況。
其他文章：
東張西望丨9旬婦離世鬧爭產！兒子被指快閃喪禮兼落格百萬 反擊怒爆爸爸玩女人
東張西望丨八旬老翁沉迷按摩遭兩子斷絕關係 疑被34歲骨妹騙2百萬公開露骨訊息
東張西望丨中年婦私院切子宮竟致腸穿肚爛！涉事醫生拒交醫療報告 苦主：我啲腸已經爛晒
東張西望丨52歲女發展不倫戀被家暴！男友呷醋拉腳秤起暴打 涉事男：佢用頭襲擊我
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
