星8卦｜「馬面」由憐生愛照顧「純真」 老婆諗唔通離婚自找苦頭
發佈時間：11:30 2024-01-19
有錢人嘅世界真係唔容易理解！好似「馬面」同「俊朗」感情達稱兄道弟階段，但喺「俊朗」唔係好掂嘅時候，竟然瞞住全世界照顧咗「俊朗」嘅老婆「純真」好一段時間。今日兩個細路咁出色，可以話「馬面」有份供書教學。
「馬面」 向來多女朋友，同時有幾個都好正常，老婆「大躉」亦預咗。但當佢知道老公連兄弟老婆都上，佢就真係過唔到呢關，主動提出離婚。其實「大躉」一直當「純真」係好姊妹，好多心事都同對方分享，所以兩公婆嘅事多多少少「純真」都看在眼內。
人窮就志短，當初「純真」都無諗過破壞人家庭，但「俊朗」唔單止爭人錢，連仔女嘅生活費都畀唔到，所以向「馬面」私底下借錢。佢當然係利用「大躉」畀嘅資訊，令到「馬面」覺得遇到紅顏知己，對佢亦由憐生愛，不過就協議唔可以俾人知。但呢個世界無秘密㗎，「馬面」同「純真」個個星期都喺秘密地方偷情，偏偏嗰度有個阿嬸係「大躉」屋企人嘅朋友。
後嚟仲知道兩個小朋友嘅生活費係自己老公畀，明知離咗婚會大鑊，但都好衝動咁終止夫妻關係。近幾年「大躉」患咗好嚴重嘅情緒病，咪又係要「馬面」照顧生活，女人無本事但又執着，到頭嚟係自己受苦咋！
相關文章：
星8卦｜「新貴」行運 「人妻」打當年情牌搞霧水緣 當「正印」無到
星8卦｜「珠女」復出反應麻麻見盡人情世故 靠「魚佬」密密做養家
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
