林盛斌囡囡為花車巡遊表演 三女「小周迅」越大越靚 悉心培育子女做運動員
發佈時間：14:10 2024-02-07
44歲林盛斌（Bob）是圈中出名的「多仔公」，與太太黃乙頤（Pearl）結婚逾16年，育有大女林霏兒（Faye）、次女林熹兒（Haye）、三女林機兒（Kaye）及孻仔林道申（Jaye），一直不惜花費悉心栽培四名子女成材，昨日（6日）林太Pearl透露兩名女兒將參與大年初一的花車巡遊表演，認真威水！
相關閱讀：多仔公林盛斌講前列腺健康！醫生籲每月XX逾20次降患癌風險 Bob：點射呀？
林盛斌囡囡內外兼備？
林太Pearl於社交網一口氣上載8張囡囡靚相，她透露：「今年大年初一，我要兵分兩路，我帶二家姐三家姐去參加花車巡遊表演呢一個全年盛事；爸爸，大家姐同細佬就同其他親戚喺屋企支持！」其實兩個囡囡自小於香港藝術體操專業學院上體操班，早已達比賽級別及預備組，2021年更參加過藝術體操比賽，林太Pearl續道：「二家姐已經堅持咗藝術體操六年嘅時間，今次負責難度比較高嘅動作。三家姐都有四年嘅時間，今次負責優雅律動嘅動作。」
林盛斌子女多才多藝
林太Pearl認為，凡事能堅持三年以上已非常難得：「佢哋無論訓練，表演或比賽（本地或者外地）都全心投入，當中無論精神上同身體上嘅得着都好大，真係好為佢哋高興！所以今次同一班家長喺現場支持，希望佢哋知道佢哋嘅付出係會有回報！」相中所見次女林熹兒和三女林機兒，分別穿上火紅及白色Bling bling華麗表演服，綵排期間已出盡全力拗腰又提腿，絕對有姿勢有實際，不少網民都大讚二人好犀利：「好叻女呀」、「好欣賞咁有恆心同意志力嘅小朋友」，一向有「小周迅」之稱的9歲林機兒更獲讚越大越靚，且長高不少，轉眼已及二姊的半個頭。
林盛斌間屋有幾大？
另邊廂，林盛斌與6歲孻仔林道申則好滋悠，林太Pearl今晨（7日）於IG Story貼出兩父子在家打機片，其間二人非常專注。然而，林道申也不遜於兩位家姐，自幼開始學劍擊及跆拳道，林盛斌亦曾於社交網搞笑力Sell囝囝：「各位動作電影大導演，介紹返，我個仔，JJ。如有工作接洽，可私信聯絡本人，服務良好，價錢貼地，謝。講真，又劍擊又跆拳道又剩，啲女真係俾佢溝晒！」可見林盛斌四名子女多才多藝，充滿運動天份。
其他文章：
玲玲友情報丨娛圈金牌媒人Bob林盛斌點名48歲視后「超筍盤」：唔使你養已經加晒分
東張西望丨林盛斌熟人家屬墮投資騙案 早已澄清兼報警仍遭不法之徙冒認
Bob林盛斌再「置業」！曝光骨灰龕位金光閃閃門面 讚有酒店級水準價值六位數
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
