陳豪自爆虧欠陳茵媺！男模闖影圈拍三級片心灰意冷曾因一事令幕後都叫「救命」

更新時間：17:30 2024-02-13
發佈時間：17:30 2024-02-13

入行30年的陳豪上月在《萬千星輝頒獎典禮 2023》憑台慶劇《破毒強人》成功稱帝，今次是陳豪相隔16年終於再奪最佳男主角獎。陳豪（阿 Mo）日前接受TVB娛樂新聞台《星光路上》訪問，坦言得獎與否對自己不太重要，反而：「想畀一個喜悅佢！」

「愛妻號」陳豪向太太發表愛的宣言：

陳豪在2007 年憑《溏心風暴》「得得地」一角成為雙料視帝，相隔 16年再奪最佳男主角寶座，陳豪坦言心情更平靜及更有信心。陳豪續指雖然抱著一定信心，但在正式宣布賽果前心情仍難免戰戰兢兢，直到在太太陳茵媺（Aimee）手上接過獎項才定下來，並坦言從太太手上接過獎項份外感激：「係好 special，難得由我太太頒畀我，其實最想我攞獎嗰個反而係佢。我嘅壓力係……我都想畀一個喜悅佢，但唔敢肯定畀唔畀到佢！最後宣布結果嗰吓我係開心嘅，再開心係能夠喺太太手上攞呢個獎。」

陳豪生於醫學世家

生於醫學世家的陳豪，在澳洲讀大學時已被品牌選中成為男模兒，其後被許愿發掘入行，在1994年他演出第一部作品就是三級片《晚九朝五》，訪問上陳豪憶述當年由模特兒踩入電影圈，起初其實是抱著搵錢心態「雙線」發展，後來有感當模特兒既空虛又不實在，於是專心向演戲進發，不過加入電影圈後發展並不理想，一度令陳豪心灰意冷，後來在行內人提議下加入 TVB，陳豪坦言要在娛樂圈闖出一片天，信心堅持缺一不可：「娛樂圈係好虛無嘅嘢，能夠闖出一片天空出嚟，可能係十年後、甚至廿年後嘅事，睇你自己嘅信心同堅持到幾耐。」

陳豪歷年演出好大分別？

陳豪演藝之路曾經歷高低

在演藝之路曾經歷高低的陳豪，相隔16年再度拎視帝，陳豪直言與第一次有所不同，現時自己「目光不僅只在獎項上」，最重要是為自己印證了走上演戲道路是正確的，並謙稱當年得獎有運氣成份：「而家（我）能力係咪去到好高，唔係，但16年前個獎的確大過自己。係咪演得唔好，又唔係；係咪演得最好，都唔係，嗰時運氣比較好。」當年因聲沙連收音師都嗌「救命」，實在有礙在娛樂圈發展，搞到陳豪飾演的角色大都是配角又或者大反派，所以陳豪決定做手術割走聲帶的瘜肉，重拾靚聲後，陳豪的星途有一大轉變，之後獲現為戲劇製作助理總經理的曾勵珍（珍姐）親自提點當演員必須調較好聲線，自此陳豪不斷練習讀報紙，甚至鑽研眼神演技等。

「愛妻號」陳豪自覺虧欠太太

不過今次陳豪以沙啞聲線演繹患有末期肺癌的「文華」，他坦言是博一鋪：「觀眾受就受，唔受就唔受。」陳豪還笑言不太敢翻看自己以往的作品，自嘲自己在首部 TVB 劇集《妙手仁心 II》中經常「插袋」扮有型，甚至拍首部古裝劇《洛神》時，幾乎每一句對白都 NG 50 次以上，幸獲同劇鄭子誠提點，他又笑言曾將「瞻前顧後」講成「擔前顧後」，相當搞笑。「愛妻號」陳豪亦不忘向太太發表愛的宣言，感謝對方願意於事業黃金期時選擇結婚、為他生兒育女，並直言自覺虧欠太太：「我好支持佢出嚟拍戲，尤其小朋友開始大，想佢追求番自己夢想。」

其他文章：

萬千星輝頒獎典禮2023丨陳豪夫婦後台甜蜜片段曝光！相隔16年再奪視帝陳茵媺一個原因更感興奮

萬千星輝頒獎典禮2023丨陳豪相隔16年再稱帝！獲太太陳茵媺頒獎：唔係太多人有呢個機會

陳茵媺復出同老公保持距離無法維持家庭工作平衡難再夫妻檔演出

陳豪一家五口孖哥哥媽咪遊西班牙！陳茵媺晒大合照證婆媳關係餅印細女可愛動靜搶Fo

--------------------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ