星8卦｜「長人」無溝仔運長期陷苦戀「媒人」打救嫁「專業」執尾籌

更新時間：11:30 2024-02-23
發佈時間：11:30 2024-02-23

「長人」終於修成正果，如果唔係之前嗰位咁差，佢都唔知呢個世界可以有男人錫。話說「長人」都無乜眼光，之前喺公仔箱做主持識咗「吹水」，兩個情投意合無所謂㗎，但偏偏「吹水」好花心，同時間一腳踏幾船，「長人」作為其中一個，仲以為自己執到好嘢，點知兩個人做咗啲親密醜事俾記者斷正，跟住踢爆埋「長人」原來係第四、五者，呢件事對男人無乜影響，但對女方就直情入咗雪櫃。

之後「長人」銀色旅途梗係唔掂，於是寄情拍拖，撻着咗樂隊中嘅「二打六」，而且愛得好認真，但「二打六」都係奇人一個，成日玩失蹤，到咁上下時間自己蒲頭，對「長人」冷冷淡淡，但又唔可以話佢係唔鍾意呢個女人，如果要有長遠嘅關係就唔使諗。

「長人」惟有用一哭二鬧三上吊嘅老土技倆嚟綁住「二打六」，但呢個情況就會越綁越走，「二打六」直情怕咗「長人」，人前人後都話同佢已經玩完，但「長人」當無件事繼續做佢嘅女人。直到「媒人」唔抵得頸幫佢介紹咗「專業」，對方死咗老婆無耐，時間啱啱好，一拍即合幾個月就拉埋天窗，而家仲有埋BB，連「長人」自己都估唔到可以喺人生下半場咁好彩！

星8卦｜「鬼妹」以為「高大」係良伴成賭局犧牲品要睇心理醫生

星8卦｜「後生女」識錯人被威脅「老竇」痛心求大機構出手幫忙

星8卦｜「假人」繼承遺產扮有料貼錢買高層位自High

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ