盧宛茵自爆被後輩教演戲！斥年輕演員多跟班態度差：睇到我都作嘔呀
發佈時間：21:23 2024-02-26
70歲「TVB御用阿媽」盧宛茵近日與吳浣儀接受幕後人楊紹鴻的YouTube節目《小鴻吹水站》訪問，談到對現時電視圈的感受。盧宛茵更自爆曾被後輩教她演戲，更批評年輕演員多助手，部份年輕演員更非常無禮貌。
相關閱讀：非份之罪丨陳煒盧宛茵爆婆媳糾紛視為大挑戰 譚凱琪自認慳妹應使得使
盧宛茵與吳浣儀談圈中後輩好激氣？
盧宛茵與吳浣儀都是好戲之人，二人曾合拍70年代劇集《朱門怨》，私下亦是好朋友。盧宛茵與吳浣儀在影視作品中幾乎都是做配角，過去幾十年見盡人情冷暖，盧宛茵與吳浣儀亦有感電視圈的發展每況愈下。盧宛茵表示：「我哋以前都有戲劇大師，即係阿King（鍾景輝）教我哋呀嘛，我哋都獲益良多。但而家唔係嘅，『好聲音』唱吓歌又話得喇……出嚟拍啦，賣吓廣告又話拍啦！而家咁嘅！」吳浣儀則認為很多後輩根基不夠。盧宛茵指很多後輩並非科班出身，自己都未顧好，竟教人演戲，而她也曾受人「指導」，盧宛茵表示：「試過叫我呀……『你呢句對白應該咁樣講喎』，我望吓佢，我又唔答，我咪照我自己做囉！使乜理佢呀！」
細數12位今年70歲藝人：
吳浣儀見年輕藝人多助手感驚訝
楊紹鴻身為幕後人，曾表示部份公司硬捧旗下藝人，對影視圈造成影響：「唔完善嘅經理人制度，搞亂整個影視圈。因為佢哋將啲演員當成賺錢工具，佢哋未紅已經捧到佢哋變天王巨星。」楊紹鴻更覺得公司為年輕藝人聘請多名工作人員服侍的現象有問題，吳浣儀表示：「我哋出去拍戲，嘩！一班班真係……成房企滿晒人。因為我哋冇咁嘅經驗，我哋唔知呢啲。」盧宛茵亦和應：「我哋拍《季節》，碧姐鄧碧雲咪又係一個人返嚟開工，帶咩呀？帶六七個（工作人員）呀？傻嘅！睇到啲人出外景我都作嘔呀，一個拎遮、一個拎茶、一個撥扇，嘩！大佬而家咩事呀？」吳浣儀更表示：「發哥（周潤發）都唔會有啦！」盧宛茵認為此風不可長，認為現時跟以前的影視圈的確有很大分別。三人笑指有些不紅的藝人亦有此情況，吳浣儀表示：「係咪冇呢啲就唔會紅？」
相關閱讀：揭拍劇辛酸史 盧宛茵剖白：對唔住三個仔女
盧宛茵怕提點後輩會被黑面
盧宛茵與吳浣儀表示過去不曾有後輩向她們請教演戲，吳浣儀表示過去都曾在對戲時提點後輩，不少都很受教，反而盧宛茵表示：「唔好呀！黑面㗎！」吳浣儀認為電影圈的後輩跟電視台後輩態度有別，盧宛茵更模仿部份她認為的無禮後輩心態：「即係你理得我做得唔好啫，我下一套又係『豬腳』（主角）喇！」二人表示現時是半退休狀況，如果有機會適合亦會接拍。
其他文章：
《卡拉屋企》重聚賀「肥媽」盧宛茵生日 楚原與南紅出席笑容滿面
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
