馮寶寶兩個囝囝罕現身！為媽媽設計鬼馬海報 第一次睇《夜光杯》似睇個女？
發佈時間：17:30 2024-03-02
現年70歲的馮寶寶近年定居馬來西亞深居簡出，今年1月馮寶寶難得返港，罕有現身欣賞粵劇演出，見到幾年無見面的汪明荃更即刻攬到實。原來馮寶寶當時亦有現身香港電影資料館出席《雨夜驚魂》、《夜光杯》等映後坐談會，兩個囝囝43歲招啟宗、41歲招啟正當日也有陪媽咪到場！
相關閱讀：69歲馮寶寶激罕現身香港！與汪明荃幾年無見 碰面即攬到實
馮寶寶囝囝罕現身！
最近香港電影資料館播出15部桃源電影企業公司50年代末期至60年代的電影，包括任劍輝與白雪仙的作品，當中還有多部馮寶寶童星時期作品。上月香港電影資料館放映《夜光杯》，原來當日馮寶寶亦有現身，當時還有不少老友記影迷捧場。
資深傳媒人汪曼玲昨日在其YouTube頻道上載當日片段，見到馮寶寶一身白色套裝現身，戴上白色框眼鏡、珍珠耳環等，相當優雅，而且全程笑容非常燦爛。汪曼玲透露當時馮寶寶興奮笑說「好似擺大壽」，原來不少昔日看著她成長的「BoBo俱樂部」成員也有到場。
馮寶寶大讚囝囝有藝術天份
馮寶寶兩個囝囝43歲招啟宗、41歲招啟正當日也有陪媽咪到場，馮寶寶指兩個囝囝特地由內地返港支持她，還特別為馮寶寶設計海報，將媽咪昔日童星時期的照片變成「花面貓」，手上還拿着一條雪條。馮寶寶還為囝囝的作品感到非常自豪，朋友到場就介紹：「呢個係我個仔幫我整，佢好有藝術天份！」還見到馮寶寶興奮對鏡頭說：「呢張相值千金啊！專登喺中國內地飛落嚟支持我。」馮寶寶又走到照片前手指指：「呢個係我個仔整，雪條啊，呢個就係Designer（指細仔招啟正）。」
馮寶寶童年得意相：
馮寶寶細仔招啟正則透露自己一直都有玩藝術：「睇佢（媽咪馮寶寶）以前啲舊相覺得好得意，就想諗啲創作，咁啱有個映後談，可以攞返出嚟畀啲觀眾影吓相。」今次還是招啟正第一次完整看完《夜光杯》：「好特別，好似我睇我個女咁。」
馮寶寶親揭自傳之謎
馮寶寶之前曾經說過要出自傳，不過久未見自傳出版，今次馮寶寶亦親自解答：「我曾經諗過寫，但後來又覺得又好似⋯⋯」此時汪曼玲提到馮寶寶已經「寫咗好多」，馮寶寶則續言：「我情緒上唔想再寫⋯⋯不如向前看。有啲人可能好唔同，會好有興趣，但我覺得有啲唔開心，亦係書嘅一部份，何必繼續要去諗，無謂咁唔開心過每一日，應該向前看，開心咁過每一日。」
其他文章：
李司棋揭秘半世紀前內幕！與馮寶寶無牌駕駛上庭 網民竟追問肥姐獨家消息
69歲馮寶寶罕有拍片呼籲做善事清減不少 可愛舉動力證狀態更勝之前
阮兆輝演藝70樂今宵丨69歲馮寶寶罕現身星味依然 風趣談曾受情緒病困擾
七公主結義金蘭60年！薛家燕晒「元祖女團」合照 甜甜蜜蜜賀情人節
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
