張致恒不再「乞錢」？街頭被捕獲做「找數」真漢子 手持一物引熱議：有錢了
發佈時間：13:35 2024-03-06
被封為「離婚界KOL」的39歲張致恒（Steven），2019年奉子成婚與粉絲雯雯（區燕雯），育有四名兒子，惜近年屢傳婚變兼頻頻呻窮，本以為他修心養性在性商品店打工養家，未料年初被爆因「冇人幫我湊仔」而辭工，最近更故態復萌做「伸手黨」求助養，惹一眾網民反感。日前，張致恒在超市掃貨被野生捕獲，早已臭名遠播的他引來內地網民冷嘲熱諷，昔日男團BOYZ人氣偶像如今淪為過街老鼠，令人不勝唏噓。
相關閱讀：張致恒親回被批「伸手黨」自認不夠成熟 公開承諾逐一還錢網民唔Buy狂狙擊？
張致恒單拖逛超市：
昨午（5日）有網民於社交網聲稱在港一間超市偶遇張致恒，並附上一張對方的背影圖，相中所見，穿灰色T-shirt兼戴帽的疑似張致恒，剛掃完貨正在自助付款機畀錢，看其收據「水蛇春咁長」，相信為家人補給了不少糧食及生活用品，他亦「慳得一蚊得一蚊」，只用大背囊裝東西，似乎未有加錢用膠袋。
張致恒被嘲冇錢開飯越來越肥
雖然當日疑似張致恒戴晒口罩，打扮極之低調，但從側面看仍能認出他的輪廓，可見雙頰發脹、頭髮長長，未料此Post引發中港網民齊齊嘲諷：「冇錢開飯都食到肥屍大隻」、「小心佢搵你（樓主）借錢，同埋佢話自己冇錢，點解張單咁長，冇錢仲買咁多嘢」、「佢張單都好長…我去超市都唔敢買敢多咯」、「竟然會買單？」、「前兩日網上行乞，有錢了」、「是不是拿着網友的錢去Shopping」、「資助佢買兩盒Condom吧」、「千祈唔好有眼神交流！等陣問你借錢」等。
張致恒夫婦婚變日常：
然而，張致恒周日（3日）曾出Post透露已找到兩份工作，並承諾會努力逐一還錢給大家，惜再惹網民狙擊「又係呢番說話，咩咩安頓好再還錢，好似一年前已經咁講」，並質疑他返得少或根本好大使。昨晚，張致恒則於IG再次強調：「其實呢～～～我仲有返工嘅，今次仲帶畀大家一個驚喜！！！」原來又是乘機為早前辭工的性商品店，宣傳日本AV女優天使萌的香港見面會。
其他文章：
張致恒再做「伸手黨」！貼二維碼求課金濟貧 惹網民圍剿：由借進化到乞
張致恒兒子確診自閉及過度活躍症 老婆雯雯連番放負終醒覺：生活平凡安穩就足夠
吳浩康呼籲張致恒做地盤！勸張太唔好搞個老公 雯雯嬲爆反擊：唔需要人認同
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
