吳卓羲唱《別怪她》被伍仲衡彈唔夠氣！ 罕談被指向古天樂借錢不還：幾無辜
發佈時間：17:00 2024-03-24
現年44歲的吳卓羲日前作客周國豐和伍仲衡主持的直播節目，開足3小時直播又唱又聊天。吳卓羲除了開金口唱首本名曲《別怪她》，並透露正計劃推出《別怪她》2.0，更自爆負面新聞令他陷事業低潮期，仲大爆吳母向他催婚後的秘密。
相關閱讀：吳卓羲跟25年老友林峯出合唱歌冇預黃宗澤 超大反應：「佢識唱歌咩？」
吳卓羲罕談曾陷事業低潮期：
吳卓羲負面新聞陷事業低潮
跳舞出身的吳卓羲，入行已有25年，當年因高大靚仔被古天樂推薦入讀藝員訓練班並簽約TVB，火速成為TVB小生。上週五，吳卓羲在周國豐和伍仲衡主持的直播節目，透露自己的事業多阻滯，「最低潮就係行過報紙榴，份份封面都係你，有真真假假，緋聞嗰啲嘢，假嘅嘢我又好驚人哋會信，返到屋企自己喺度諗我聽日點面對呢？過咗下一個禮拜，封面可能全部都變咗林峯。」吳卓羲覺得人的心態要放鬆，才可以在這行立足！他說起2005至2009年有不少負面新聞，其中被拍問古天樂借錢不還是令他最無奈，「根本就冇呢件事，你又唔可以講咁多嘢，又唔可以叫當事人出嚟幫我澄清，都幾無奈幾無辜，我喺屋企好低落。」
吳卓羲將推出《別怪她》2.0
吳卓羲自爆鍾意唱歌，但唱得不好，經常在想如果自己好像某某唱歌唱得很動聽、令人毛管戙就好了，但經典金曲《別怪她》的而且確是唱到街知巷聞，「好唔好聽一件事，別怪他係回憶嚟，我唔係學唱歌出身，冇得呃，惟有不停練，以前監製會同我哋練咗歌先入錄音室，我錄一日8至10個鐘，嗰句唔好就返嚟補。」吳卓羲更透露將會重返樂壇，和鄧智偉推出《別怪她》2.0。
吳卓羲大受內地女粉絲歡迎：
吳卓羲廚藝了得
吳卓羲除了喜歡唱歌外，更是中菜廚神，酒樓吃到的小菜也難不到他，家中更有個專業級廚房，「炆鮑魚我唔識，但酒樓野味、煲仔嘢得㗎！我諗到出嚟就識做，一路都有興趣煮，睇《披荊斬棘》拿手煮薑蔥炒蟹，喺酒店會研究煮嘢食，屋企個廚房好pro，我廚藝有天份，知道執嘅料，我睇一次就識煮，食過都會大約知點煮…」
吳卓羲被媽媽催婚
吳卓羲是孝順仔，他坦言放假會陪媽媽「拍拖」，媽媽也曾催婚望他成家立室：「催㗎！我44歲，佢知我忙，之前有講過，我媽曾經同我講過，唔結婚唔緊要，帶個小朋友返嚟得㗎喇！（你媽好open），我就好保守，（保良局領養？）咁唔係你血緣，佢要傳統繼後香燈，好幾年前講，而家冇講喇！」
吳卓羲享受單身生活
談起擇偶條件，吳卓羲只希望對方跟他一樣喜歡、欣賞煮食，「煮嘢食唔使你識，你喺側邊幫我手就得喇！如果識埋煮就更加好，一齊欣賞，我鍾意一齊煮嘢食俾家人或朋友食，有滿足感，希望佢會有。」不過吳卓羲斷言，沒有拍拖，一直享受一個人的生活，「我覺得自己一個人舒服啲，我唔理日後會唔會改變，我依家就係enjoy，（有冇追求者）冇留意，我唔出街，屋企太多嘢做。」
其他文章：
菊梓喬加盟恩師何哲圖公司獲送鑽石咪 重新出發唔知醜努力搲Job提吳卓羲即封口
44歲TVB配角北上遭美女重重包圍被指老好多 受歡迎程度不遜黃宗澤吳卓羲
44歲TVB前當紅小生離奇撞樣顏米羔？ 尹光集郵竟被網民勸喻要小心
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
