J2患癌主持文頌男進行首次電療痛到呻吟 感激獲演藝人協會聯絡提供協助
發佈時間：16:00 2024-04-12
J2節目《不正常愛情研究所》主持文頌男（Koba），去年12月公開患罕見的尤文氏肉瘤（Ewing's Sarcoma），惜上月完成第五次化療後宣告治療無效，椎間近盤骨的惡性腫瘤疑有增大跡象。日前他接受《星島頭條》專訪時，透露本月內開始接受放射治療（俗稱電療），今午（12日）終在IG交代最新情況，苦呻首次電療的痛苦經歷。
相關閱讀：J2患癌主持文頌男專訪｜上月宣告治療無效 父因情婦拋妻棄子由媽媽獨力撫養成人：我對佢好愧疚
文頌男談首次電療痛苦經歷：
文頌男早前在訪問中透露，預料一、兩個月完成約30次電療，今日則撰長文表示已完成第一次治療，惟事前照X光等過程已令他痛苦不堪：「治療師要我平躺喺張床上面做，但我平躺係會好痛，加埋佢張床好硬。治療師話第一次做要做多少少嘢，要照兩次先，我瞓咗上去完全唔可以郁，我自己都唔敢郁，怕話照唔到要再嚟過，同埋怕電緊嗰陣電錯位。成個過程我諗做咗四個字至半個鐘，我諗我去到一半左右已經痛到頂唔順，開始喺度呻吟，我差啲想大聲叫救命……」不過未免延長痛苦，文頌男靠意志力撐到最後，「（我）不停同自己講要堅持要堅持要堅持、其實唔痛唔痛唔痛，真係超難受超痛苦，但係成個過程我都堅持，真係少少郁都冇郁過。」
文頌男痛到成個人震晒
直到完成電療，文頌男落床一刻雙腳已完全無法發力，「成個人痛到震晒，震得超犀利，過咗兩、三個字先好啲。」幸治療師表示之後不用再照，會直接做電療，雖然時間較短應可減低痛苦，但文頌男坦言：「我諗到未來差唔多日日都要去電，每日都要經歷一次咁痛苦，有啲驚。」
文頌男公布患罕見癌病經歷：
文頌男續指，一般病患做電療都好輕鬆，因療程期間基本上是無感覺，但自己缺少大部份骶骨，加上骨折及腫瘤壓住神經，故平躺才會如此痛楚：「真係成日都無辦法唔諗，點解要咁辛苦呢，點解係我呢，點解係我要承受咁多痛苦呢。不過，我相信捱過咗就係晴天，雖然呢一刻好痛苦，但係只要我頂多一陣…或者多一陣…或者再多一陣…總會見到曙光。」
文頌男食中藥配合治療
由於現時全面停工醫病，零收入的文頌男去年曾發起眾籌醫藥費，希望外界可幫助解決燃眉之急，近日受訪時他亦感謝網民：「老實講並唔算多，唔知可以撐幾耐，但真係好多謝佢哋，因為呢啲款項對我嚟講好重要。」直到日前於IG Story跟網民玩「你問我答」，被問到「咁係咪而家古天樂資助你看病？」，文頌男坦言：「有朋友幫手聯絡咗演藝人協會啫，佢哋好好，會盡量提供支援同協助，實質上有咩資助，未太清楚。可能佢哋方面會再傾吓。」並謂感激所有演藝人員的關心及伸出援手，而現時亦有服用中藥以配合治療。
其他文章：
J2患癌主持再現幕前！身形消瘦依然活躍 食嗎啡試忍痛試鏡扮正常
J2文頌男自揭坎坷命運被父親拋棄變街童 患罕見癌症心酸哭訴：好慘
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
