亞視一姐薛影儀披婚紗嫁「亞視高層」？見新郎一舉動表情微妙變化 怕醜秒縮拒咀嘴
發佈時間：17:00 2024-05-02
曾有「亞視一姐」之稱的薛影儀（阿儀）去年與經理人林寶玉決裂，並遭AMM亞洲心動娛樂解約，回復自由身的她經常孖住黃榕周圍去，昨晚（1日）其IG則發布了一條影片，更宣稱「牙儀結婚了」！
相關閱讀：薛影儀疑「真空」上陣扮殭屍跳展盪漾感 網民驚訝前「亞視一姐」竟然識笑？
「亞視一姐」薛影儀出嫁？
片中所見，披上嫁衣的阿儀在9人姊妹團陪伴下步出，伴娘黃榕挽實對方手臂引領至「神父」面前，新郎則頭笠寫上「亞視高層」的紙袋。其間，雖然阿儀緊張到硬晒軚，但到宣誓一刻，當「亞視高層」點頭願意娶她為妻，她即難掩喜悅罕有嘴角上揚，惟交換巨型氣球戒指後，新郎掀起對方頭紗欲向前索吻，阿儀秒縮兼口窒窒婉拒：「哎，唔……唔……唔……」
「亞視一姐」薛影儀被擺上枱？
然而仔細一看，結婚場地竟是一間跌打醫館，原來大家是為今日（2日）40歲生日的阿儀舉辦「婚禮」主題派對，當日Big day行程也絕不馬虎，除一班人柴娃娃影「婚照」外，阿儀亦有撐傘出門及在路邊跑花球，最終搶得花球的42歲黃榕興奮道：「好開心呀，我嫁得出啦阿媽，但我冇男朋友呀。」不過，網友們就覺得阿儀似是被黃榕利用：「唔覺你有幾開心」、「感覺阿儀好似俾人擺上枱咁」、「呢啲嘢都好玩，阿儀好慘」、「佢哋似玩X你，借你博出位」、「睇住阿儀本身喺亞視捧得好哋哋，黐埋呢班妹到就眼怨」。
「亞視一姐」薛影儀林寶玉恩怨：
阿儀曾公開5大招親條件，包括要求對象是金融才俊、溫柔體貼、專一、長頭髮及鍾意收太陽花，直到去年8月，她因在社交網更新個人狀態為「戀愛中」引起全城關心，事後向《星島頭條》坦承單戀「公司人」，盛傳對方正是公司一名靚仔高層，惟阿儀拒絕回應：「單戀邊個我唔方便透露啦，大家都唔好咁八卦啦。」
其他文章：
前亞視一姐薛影儀獲62歲男星當眾示愛！竟黑面派檸檬 合照都耍手擰頭
林寶玉經驗豐富輕鬆做「拆彈專家」 冇被「失控」薛影儀嚇親隨時再做經理人
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
