商台名DJ疑兩度中街頭騙案！揚言想報《東張》 多位藝人自爆曾中招
發佈時間：18:30 2024-05-21
現年47歲的商台DJ少爺占（甄子康），1997年透過唱片騎師招募計劃入行，2006年5月已經榮升商台節目監製及音樂總監，瓣數多多的他還是野仔、ILUB（艾粒）等組合、樂隊成員。向來轉數快的少爺占近日卻懷疑自己受騙，於Threads公開不快經歷，並問網友自己是否受騙，雖然金額少，但他笑言想報《東張西望》！
相關閱讀：YEAHS音樂會丨少爺占婉拒余迪偉入場？ 與何兆基開Show出場即「出事」
少爺占兩度遇街頭騙案？
商台DJ少爺占日前在Threads貼文，分享一次街頭騙案的經歷，他透露當日在廣播道泊好車後，突然有一名男子敲其車窗，表示自己今早在商場邊俾人偷去個袋，已經報警處理，但身上沒錢搭車返葵涌屋企：「佢問我可唔可以借三十幾蚊佢坐車返葵涌屋企。佢話自己喺呢頭返工，聽日可以返過嚟俾返啲錢我。」少爺占聞言就在車廂內拿了30多元的散紙給他，並向他說不用還：「其實我唔知道由廣播道搭巴士返去葵涌係咪真係要三十幾蚊。」
少爺占表示自己借給他的原因是他已經第二次發生這種事：「又係喺條街度，唔同嘅人，同一樣嘅說法，上次我冇借到，後尾諗返覺得自己好似好衰咁，可能嗰個人真係冇錢返屋企，所以今次就諗都冇諗過佢係咪呃我，就俾錢佢。有冇人有同樣經歷，請問我係咪俾人呃呢？咁細囈嘅事東張西望會唔會受理？」
少爺占與當奴曾涉「性取向歧視」風波：
多個藝人曾中招
帖文一出，即掀起圈中朋友及網民討論，吳肇軒指自己10年前都俾人「借」過100蚊，仲未還。張紋嘉也中過招，「我借過500蚊俾話香港唔受理嘅大陸信用卡遊客，佢留咗我contact話會還俾我，當然500跟住咗佢哋返咗上海」，而吳業坤表示：「我嗰日喺山林道，有個女人抱住隻狗好似好慘咁敲我車窗，叫我做吓好心。」麻利亦留言謂：「我都試過⋯⋯四十蚊話入機場⋯⋯但係你唔問吓佢邊個商場俾人偷嘢先，如果係又一城，點解佢唔喺車站問人借要行到上嚟廣播道？」
另外，也有網民跟少爺占在同一個地方發生同一件事，「如果喺廣播道，我3、4個月前喺廣播道泊完車遇到一模一樣嘅！佢係個著白色小背心嘅叔叔。佢問我借廿蚊，我話我冇現金，佢X晒鬼咁鬧我，而家啲後生女返工都唔帶錢，就係咁，畀我鬧到一面屁。」
其他文章：
方力申開箱Tesla Cybertruck！女星一家疑成車主 吳彥祖倒米叫唔好買？
獨家丨艾粒欺凌15年懶理重病開Show繼續笑 音樂人關勁松逝前控訴：兩條X街
艾粒發文回應余迪偉「性取向歧視」指控 當奴：會更改餘下場次節目內容
余迪偉IG怒轟艾粒歧視性取向 半祼相被「玩」多年擺上台兼夾職場欺凌
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
