鄭秀文病足半年唞唔到氣驚覺「出事」 原來身體呢樣指數好高
發佈時間：20:00 2024-05-23
51歲樂壇天后鄭秀文（Sammi）去年確診新冠肺炎後，因受後遺症影響出現聲沙、咳嗽和體力問題，最終宣布原定７月在紅館舉行的13場演唱會順延一年才舉行。近日鄭秀文都專心排練演唱會，身形狀態依然Fit爆獲網民大讚，但原來去年確診期間，身體一氧化氮的指數好高，令她「成日覺得唞唔到氣」！
相關閱讀：芷珊約您｜許志安求畀機會壞咗做番好 感激老婆鄭秀文寬恕與陪伴
鄭秀文身形狀態Fit爆獲網民大讚：
近日為演唱會積極排練的鄭秀文，日前為新歌《心魔》接受商台節目訪問，談到去年的身體狀況，鄭秀文在確診期間因「成日覺得唞唔到氣」，於是入院做了一個詳細檢查：「嗰陣發現身體一氧化氮嘅指數好高，因為發炎指數好高，成條喉嚨同埋氣管發炎得好緊要，因為冇對症下藥，所以長時間唞唔到氣。最後全靠中醫調理，直到今年年初才恢復體力：「我唔係每日都病奄奄嘅，有好多時間我都係裏面嘅體力好差，之後終於可以應付做嘢！」
鄭秀文為了今年7月的演唱會而推了很多的工作：「其實自己覺得使唔使咁癲做個演唱會，我覺得有陣時人生就係有呢一份癲，乜都唔好理。其實呢段時間有好多嘅job，同埋好多其他嘅機會，好多嘅收入，我淨係覺得要做好一件事。」日前鄭秀文推出新歌《心魔》，MV以破格和充滿電影感的拍攝手法，鄭秀文坦言入行以來從未試過，MV全程在泰國進行拍攝，亦是她首次到當地拍MV。
鄭秀文家庭生活：
鄭秀文MV全程泰國拍攝
鄭秀文還說：「今次MV比較特別，親身飛到泰國搵咗一位當地導演操刀，整個拍攝團隊、Dancers、排舞師等全部都係嚟自泰國，點解呢會有呢個決定？事緣喺YouTube睇到一首歌嘅MV，呢位導演拍攝嘅風格，我好鍾意，入咗腦，記喺心裏，好大嘅憾動，如果搵到佢拍MV一定可以將首歌昇華，多謝經理人（郭啟華）搵到呢位導演，做到呢件事。」
不過今次拍MV的行程相當緊密，鄭秀文黃昏抵達當地後，馬上回酒店進行fitting、試戴不同顏色的隱形眼鏡、戴上MV中的長假髮給髮型師進行修剪等，翌日早上九時便埋位拍攝，當日氣溫高達三十六度，鄭秀文一直在悶熱的外景進行拍攝，直到凌晨一時才收工：「其實好多唯美嘅畫面，亦有勾畫心魔嘅意境、意象，呢啲意象都係用人嚟堆砌，我哋搵咗40位Dancers去拍攝，即使係一個好簡單嘅動作，人多動作又齊整嘅時候就有一種好強大嘅震動感覺。歌詞好容易令人進入歌曲情緒，所以好拍到《心魔》嘅主題，某啲場面仲有啲毛管戙，一切都來自真摯嘅情緒。」
其他文章：
51歲鄭秀文突自爆做「高齡產婦」！去年因病停工神隱 曾指許志安堅拒要小孩
鄭秀文家庭照激罕曝光！許志安同框岳母乖乖企身後 融入老婆一家開心飯敍
鄭秀文神隱4個月終「露面」回復最佳狀態 因病延後演唱會竟慘遭網暴
--------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
