IU香港演唱會丨兩場Show歌衫Encore歌單完全唔同 狂講廣東話又送禮加送Kiss歌迷冧爆
發佈時間：15:02 2024-05-27
韓國女歌手IU（李知恩）昨晚（26日）在亞博舉行「2024 IU HEREH WORLD TOUR CONCERT IN HONG KONG」尾埸，全埸爆滿。身穿粉紫色露肩裙的IU現身升降台，唱出《Holssi》為演唱會揭開序幕，之後IU以標準廣東話向fans打招呼：「多謝！大家好香港，我係IU，好耐冇嚟香港，好開心，好掛住大家，今日一齊唱多啲歌，我想聽大家嘅聲音。」IU之後亦不停用廣東話講「大家好叻」、「你哋要身體健康」、「我愛你哋」、「我真係好愛你哋」，還不斷跟住翻譯講廣東話，可愛行為冧死Fans。
IU全晚共換了6套衫，大部分也是可晒腿的短裙仔，除了又唱又跳外，她亦經常擺出各種心心甫士，有大心有面頰心，而在送禮物環節時，IU在送出手上金幣給女fans前，更特意錫了金幣一啖，全場大叫。
IU在演唱會上不斷跟歌迷傾偈，稱上次來港開騷已是6年前，又指一直很想來香港，更承諾大家下次不用再等6年，她又大讚fans識唱她的韓文歌好叻，並謂唱其他語言的歌很難，所以既然大家會唱韓文歌，她也唱廣東歌送給大家，之後便唱出林家謙的《一人之境》，雖然IU的廣東話發音，跟15年九展Show上唱的《囍帖街》相比退步了，但誠意搭夠，林家謙都表示好高興。
跟首場一樣，共有兩個Encore環節，IU戴著兔仔頭箍現身，而她更特意選唱了《Dear Name》，表示6年前在香港唱這首歌時差點喊，「你們6年前在這首歌做的應援，真的令我難忍眼淚，所以送一小段給你們。」唱完後，IU稱已5年沒有唱這首歌，又說每次唱這首歌也會想起香港，並承諾下一次來香港會再唱給大家聽，最後，IU唱出《Every End of The Day》為巡唱香港站畫上圓滿句號。留意兩場演唱會的歌單，IU非常有心，兩場Show的Encore歌單都不同，睇晒兩場的UAENA (IU Fans 暱稱)當然非常興奮，只睇一場的就表示下次有幾多場就睇晒幾多場，不過大前提當然要搶到飛。
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
