女神人妻兩歲女持續發燒感染RSV！堅持舉家外遊網民鬧爆：生仔要考牌

更新時間：16:25 2024-05-27
發佈時間：16:25 2024-05-27

前女子組合Super Girls成員蔡明思（Jessica）於2019年和台灣老公陳冠廷（Steven）結婚，2022年誕下女兒Sersi，囡囡已經兩歲大。蔡明思近日在社交網自爆出發去旅行前，囡囡已多日低燒，在上機前一晚快測驗出感染RSV，蔡明思最終仍一家飛到新加坡，不少網民得悉後怒斥沒有公德心，更寸蔡明思：「生仔要考牌」。

相關閱讀：Jessica@前SG順利誕下5磅重囡囡英文名為Sersi夠特別

蔡明思兩歲囡囡染RSV仍舉家外遊：

蔡明思今日在IG的限時動態報平安，指囡囡的身體已無大礙，不過在FB的「生仔要考牌系列」專頁，就有網民投稿斥責蔡明思：「前Super Girls成員蔡明思個女喺出發去旅行前已低燒三日，臨飛前一晚驗到中咗RSV，蔡都仍然帶個女去新加坡旅行。帶住病咗嘅女上飛機傳染俾其他人，真係好有公德心之餘，最重要當然要開post問人哋小朋友中RSV係點啦。真係好意思呀」。

蔡明思被斥行為自私

不少網民也在貼文下留言，直斥蔡明思行為沒有公德心：「仲要無戴口罩」、「登上『生仔要考牌系列』，是該老母事業成就嘅高峰。」、「中咗RSV可大可小，可以引發氣管炎中耳炎肺炎，仲可以嘶吼症，一陣去到外地又睇唔到醫生，鎖喉呼吸唔到你就知味道。」、「中RSV嘅小朋友，嚴重起上嚟，會有生命危險」、「蔡明思請你解釋下呢個咁自私嘅行為，其他家長多得你唔少」、「又係自私精一名」，有網民貼出蔡明思囡囡做花女的照片：「因為人哋個女要做花女，隔離個小朋友超可憐⋯⋯好大機會第一受害者」。

相關閱讀：Jessica@SG陣痛往返醫院等生半夜穿羊水盼順利順產

蔡明思出發前問醫生

蔡明思今日在IG的限時動態出多個PO，表示囡囡Sersi已經康復多日，因為之前太忙，沒有更新消息，照片中見到到小朋友到新加城地標獅頭魚尾像前奔跑，另一張照片是蔡明思出發前帶囡囡去睇醫生的照片，她指囡囡當時發燒為37.5至37.6度，但問題不大，醫生已開感冒藥，但到晚上見Sersi有少少鼻水，再用快測就發現中RSV。蔡明思當時曾感到心慌，因為聽過不少朋友指感染RSV要住院，最後問醫生意見，認為囡囡病情不算嚴重，因此照常出發。

蔡明思囡囡曾一度入院

到達新加坡後，蔡明思一直留意囡囡情況，直到半夜見囡囡的體溫升到38.5度，耳探機更變成紅色，蔡明思決定帶囡囡入當地的兒童醫院檢查，在醫院期間Sersi更高燒達39度，醫生曾畀藥Sersi聞，又拍X-ray睇個肺清不清。蔡明思在囡囡康復後便一家人出席婚禮，她表示：「原本都擔心咁病會唔會參加唔到婚禮，姑姑要另外臨時臨急搵花童，好彩佢好爭氣，咁快好返」，而蔡明思一家已於昨日返港。