張致恒平安卡終到手！可返地盤做職安真漢子 效法好友吳浩康隨時反彈？
發佈時間：13:45 2024-06-08
39歲張致恒2019年與粉絲區燕雯（雯雯）奉子成婚，結婚四年育有四子，可惜兩人關係時好時壞，一家又經常被追數，被外界譏為「伸手黨」。相反，與張致恒份屬好友兼舊同事的吳浩康，自轉行做「職安真漢子」，身兼數職養妻活兒後，獲網民大讚比張致恒有承擔，其演藝事業也有起色。最近張致恒終於扚起心肝，有機會再與吳浩康成為同事。
相關閱讀：張致恒被爆北上登台一次袋X萬？罕有夫婦同心反擊 雯雯15字灰爆留言
張致恒終肯跟吳浩康返地盤？
張致恒今日（8日）在IG Story晒出一張照片，相中見到有建造業工人註冊證及建造業安全訓練證明書（俗稱平安卡），他更寫上：「終於有啦，有冇地盤即pay介紹」。根據工廠及工業經營條例，規定從事地盤工作之人士必須接受基本安全訓練課程及持有有效證明書，以提高安全意識及防止工業意外，學員完成7.5小時課程及通過測試後，即場可獲得平安卡。早前張致恒到內地登台搵錢養家，被傳媒爆出歌酬有七萬，但張致恒就在社交網反擊指：「拜託你唔好亂寫可以嗎？搞到個個都嚟問我係咪收七萬，係收七萬我就唔使咁閉翳啦！」至於經常放負的雯雯今次亦同聲同氣：「七萬？如果係，我而家唔使咁乞丐」。
吳浩康力撐張致恒
吳浩康早前擔任周國豐和伍仲衡節目《周五有周伍》嘉賓時，自爆因接受不到家人捱餓，因此坐言起行考平安卡，每星期返地盤工作四、五天，再加教唱歌每日只睡5小時。現時有不少廣告商邀約，吳浩康的財政問題早已解決，但現時他仍堅持到地盤開工，即使日前三號風球仍風雨不改。吳浩康以往不時為張致恒發聲，他承認兩人有聯絡，更在節目中指：「唉...佢老婆唔好搞佢啦，（佢老婆唔會唔搞佢？）我意思唔好公開搞，畀啲空間佢搵吓食！點解唔介紹佢返地盤？完咗之後話畀你知！我自己站於朋友立場，總之我價值裏面，呢個人未至於係要放手割席嘅人。」
張致恒北上登台不滿被爆歌酬？
對外界經常將他與張致恆相提並論，吳浩康曾在電台節目中指指兩人十幾歲已經認識，現在都為人父親，所以希望大家給好友空間繼續生活。吳浩康又指曾叫張致恒跟他入行地盤工作，並說：「我有同佢傾過，佢願意嘗試改變，相信佢會變，亦希望佢可以出嚟做嘢。我冇資格為佢講好說話，但至少佢冇一走了之，好多父母因為養唔到就走咗去。」
其他文章：
性上癮男星舊愛大解放！開窿一件頭性感過比堅尼 多角度上水超有動感
吳浩康舊愛超Deep V泳衣晒逼爆身材勁澎湃 分手炮轟前男友「大話精」扮上進
「地盤KOL」吳浩康冒三號風球開工 自製臨時避雨空間：好鍾意返工
緊貼最新最快新聞資訊，請立即下載星島頭條App：https://bit.ly/3Q29Vow
