何太遭房署調查首洩心聲！無懼被收樓「屈就住公屋㗎咋」囂張回應：查我仲歡迎添！

更新時間：17:10 2024-06-08
發佈時間：17:10 2024-06-08

何伯與何太早前高調接受《東張西望》訪問，何伯透露自己有450萬元積蓄之餘，更搬到何太所居住的公屋單位同住，而且何太曾表示自己在內地有物業，引來大眾質疑是否違反公屋租戶條例。房屋局常任秘書長兼房屋署署長羅淑佩昨日（7日）受訪，指房屋署會作出調查。因高調行徑而引來質疑的何太，今日（8日）在抖音粉絲群繼續跟網民交流，並透露被批評的心情，以及首度回應被調查一事。

何太與網民交流洩心聲？

何太今日在抖音粉絲群與網民交流，有支持何太的網民稱因一句評論引來十多人罵他，何太即安慰對方，並斥批評者是「人渣」，何太說：「有啲卑鄙嘅人渣只係佢攻擊我哋，佢係想用啲說話殺人啫，真係卑鄙到極呀，我哋會撐住係咪呀！佢講咪講，每一個人講每一句說話，人哋都有主宰啦，你人算咩，天算呀！」更斥批評她的人心理陰毒，指想她死的人最終會害到自己。何太錄音中用不少狠毒字眼反擊批評她的人，不少網民都質疑她可能受被調查一事影響心情，借機發洩。

相關閱讀：何伯何太現身旺角搵法援？當街身貼身勁親暱網民激讚羅淑佩：做到嘢

何太：邊個話我哋離咗婚

何太又再透露婚姻最新狀況，她表示：「邊個話我哋離咗婚呀？我哋不知幾恩愛呀！」她續指：「啲低俗嘅人先講得出啲大逆不道嘅說話啫！專係踩人哋、傷人嘅說話就啲人最鍾意講啦！因為佢哋啲人未成氣候呀嘛，係咪？唉，呢啲人咪由佢哋噴囉係咪？」至於被問：「何太，450萬諗住點用？」何太表示：「哈，你問我點用有咩用呀？我老公鍾意點用咪點用囉！」

重溫何太上次直播重點：

何太：局長（署長）去查我仲歡迎添呀！

何太更在網上回應被調查一事：「佢哋衰格在我度留言，話恭喜就嚟冇公屋，拍晒手掌，啲人真係衰格黑心」、「我會又令你哋失望」、「政府房屋署要有理據，先收得返我間公屋㗎，佢哋想創佢個心，佢哋叫嗰個局長（署長）去查我仲歡迎添呀！第日我唔使住公屋，講唔定仲住大屋，我暫時環境差先屈就住公屋㗎咋。」又語帶諷刺指：「啲人當公屋好似佢條命咁。」再強調會與何伯共度難關，即使沒有公屋住都會租酒店給何伯住。