翁靜晶預告向「大媽」發律師信！何太疑對號入座邀當面對質：為了流量不擇手段

更新時間：18:00 2024-06-11
發佈時間：18:00 2024-06-11

因《東張西望》「成名」的何太在抖音與網民交流，因被告知香港有位律師分析何伯可能難取回450萬元，提及翁靜晶的名字時更令何太很激動，並不點名批評談論何伯事件的律師又發表質疑對方專業資格的言論。昨日（10日）翁靜晶直播亦預告有機會向「大媽」發律師信，翁靜晶直播期間未有提及何太的名字，但事後何太卻對號入座，再度發表批評言論。

何太對號入座回應翁靜晶？

何伯與何太自接受《東張西望》訪問便成為話題人物，二人為取回何伯與細女聯名戶口內的450萬元，行為越來越高調，何太的言論亦越來越激進。翁靜晶昨日在直播中，談到近日有人說「買律師牌」的言論，直斥：「其實講呢一樣嘢嘅人，都幾傻。」對於被質疑律師資格，翁靜晶表明有機會對發表言論者發出律師信。

翁靜晶昨日在直播中，評論「大媽」的行為及言論，表示對待這種人，她會先禮後兵，她表示：「呢位大媽，我對佢冇敵意嘅，我唔會仇恨佢嘅，我亦都睇返佢背後一定有一個好可憐嘅歷史。所以我明白嘅，我知道佢想改善生活、改善家人嘅生活，但我都希望佢可以攞個愛心去對人哋家人嗰啲小朋友。我同你都唔會想呢個大媽做我哋後母，我哋好驚佢呀，覺得佢好厲害，我哋覺得佢好霸道係咪？我哋會好驚，呢個唔會係我哋想要嘅媽媽，我哋唔會想要咁嘅後母，但佢個仔未必係咁諗，證明呢個人一定有兩面嘅，我哋每一個人都有兩面，我哋用自己愛心去對人，畀個機會先禮後兵囉！」

何太疑不點名質疑律師專業？

翁靜晶：律師信係會出

但翁靜晶亦接納網民的建議，認同應要給對方一個警告，她表示：「但你哋講得啱，我會作一個措施，作一個制衡嘅措施，律師信係會出，出咗之後呢，如果佢係好人嘅，行善良嘅路，佢唔好去傷害人，好好哋去對呢個家庭入面嘅人，咁就唔會有下一着。但係如果好過份嘅，去傷害其他人嘅話，我亦都出咗第一封信，我亦都可以隨時採取第二步行動，咁呢個就係我覺得你哋會想聽㗎囉！係咪？」而翁靜晶亦提醒，切忌盲目相信支持的說話：「好多人話支持你，其實呢班人係睇你點樣墮落，睇你點樣做錯嘢㗎！話一聲支持你係幾咁容易呢，唔好畀呢啲甜言蜜語令到你飄飄然，喺自己個群組入面都根本有好多人根本唔係鍾意你，係潛咗入嚟之後攞料，然後攞嚟攻擊你，唔好咁傻啦！」

相關閱讀：何太疑不點名質疑律師專業翁靜晶：講呢樣嘢嘅人都幾傻