袁偉豪湊囝囝下水禮！袁咕碌肉騰騰萌到爆 陳煒留言催生第二胎
發佈時間：22:01 2024-06-12
袁偉豪與張寶兒於2020年結婚，去年11月誕下囝囝「袁咕碌」出世，組成一家三口幸福家庭。榮升爸爸的袁偉豪不時在IG晒仔，昨日（11日）袁偉豪父子在IG分享親子下水禮，兩父子打大赤肋嬉水，七個月大肥嘟嘟的袁咕碌露出一節節的櫛瓜手，肥嘟嘟勁得意。
相關閱讀：袁偉豪B仔七個月大有胸肌？袁咕碌流口水飛奔爬向媽咪 巨星級BB床要價五位數
袁偉豪孖袁咕碌下水禮：
袁偉豪早前也跟上習俗，端午節湊仔游龍舟水，昨日袁偉豪IG貼相留言：「我人生的第一次下水禮在端午節，迎接同爸爸第一個父親節。」從相片可見袁偉豪與袁咕碌在泳池進行下水禮，兩父子赤裸上身，袁偉豪露出胸肌及手瓜，而袁咕碌亦騷出肉騰騰的心口和一節節的手瓜，袁偉豪貼心扶着笠上魔鬼魚水泡的袁咕碌，其間又會𠱁囝囝玩，引得袁咕碌伸脷開心笑。
袁咕碌玩水玩到體力透支，上水穿浴袍時已經睡著，但袁咕碌仍keep住伸脷甫士，之後換好靚衫就睡在car seat叉電。不少網民留言讚袁咕碌可愛，與袁偉豪一個餅印Z難「見到袁寶寶個樣就開心太可愛啦佢」、「好得意，但係最尾張相佢個樣超搞笑」、「叻仔喎！唔怕水，開心到不得了」。而索爆人妻的陳煒亦大讚好Cute，「好Cute，生多個」，單立文也留言：「晞祐龍舟水好唔好游呀？」陳自瑤亦指袁咕碌好搞笑！
袁咕碌成長力驚人：
其他文章：
袁偉豪張寶兒晒萌B照賀「袁咕碌」5個月大 一部位現紅印疑患XX導致突然忟憎？
袁偉豪4個月大囝囝獲醫生認證成長力驚人 重返「出生地」畀女圍人氣勝爸爸
張寶兒罕晒餅印妹獲封圈中最美姊妹 張寶欣曾選港姐擁高學歷創業做老闆
袁偉豪B仔百日宴丨92歲胡楓與「袁咕碌」相見歡！得意互動曝光 汪明荃揭一秘密甘拜下風
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
