東張西望丨港男因遺囑錯字失4千萬祖屋？繼母被封「何太2.0」對質反鬧：去搵你老竇啦！

《東張西望》昨日報道一則因父親遺囑寫錯一個字，令他失去被視為「祖屋」的流浮山一幅地租金收入，今年更因繼母賈女士以賣地為由，遭強制逼遷，更被斷水斷電。今日播出的一集，賈女士出面對質，更表示繼子無質格與他爭拗，還表示：「你去搵你老竇啦！」

相關閱讀：東張西望丨「女中醫」睇男士濕疹要除褲？召妓指南賣廣告：全球獨家精液顏色斷診

港男因遺囑錯名失遺產？

現年47歲的「天發」自出娘胎便居於由父母購入、位於流浮山佔地逾3萬的祖屋，現時更市值約4千萬，原本天發一家四口生活樂也融融，然而1997年天發父親另結新歡，認識現年49歲的賈女士。在昨日報道中，天發表示在父親臨終立遺囑時，他並不在場，當時父親致電給他索取其資料。而遺囑交代流浮上3萬呎地業權分為三份，一份屬於天發，一份則屬於其繼母賈女士，一份則屬於維修基金；如果有買賣，則是天發與賈女士一人一半。

遺囑名字「天發」變「添發」

然而遺囑上的名字，天發（Tin Fat）的名字，卻變成「添發（Tim Fat）。」天發指立遺囑期間父親已是腎衰竭晚期，醫院告知只剩一年壽命：「我覺得係我阿爸神智不清下簽呢份遺囑，因為阿爸無理由連個仔要咩名都唔知。同埋個賈女士廣東話唔正，有啲大陸口音，（可能）佢聽錯咗，導致我中、英文名都錯。」父親離世後，天發與繼母賈女士將部分土地出租以獲得收入；然而自2018年開始，賈女士獨霸租金收入，今年更以賣地為由，向法院申請強制發仔搬走，繼子拒絕，卻慘遭斷水斷電趕絕。昨日報道播出後，隨即引起網民熱議，更有不少網民直言賈女士是「何太2.0」。

天發質疑繼母早有爭產計劃

今日《東張西望》繼續播出天發訪問，天發直言繼母疑似早有全盤的爭產計劃：「佢想將錯就錯，呃住我先，佢話等賣地先搞返遺囑，咁我咪信佢囉。我覺得盤算好多嘢，有晒計劃。」天發表示不會放棄：「除非死咗，唔係我唔會放棄。」《東張西望》隨天發去祖屋領取物品，見祖屋已被鐵板重重包圍，而且駐守屋外的保安亦阻止天發進入，只將部份物件搬出門外交收；而且天發見到祖屋搞到亂七八槽亦感到相當心痛。

繼母：佢冇資格喺度拗

其後保安報警，警方通知土地持有人到場，賈女士亦在律師陪同下，終於現真身。天發上前質問繼母賈女士，然而繼母先表示執達吏曾表示天發過4月17日後，仍不取回物品，屋內物品便會屬於她。賈女士又表示：「係我個名，我哋係按遺囑寫，係我擁有，若果遺囑上唔係佢個名，佢冇資格喺度同我哋拗。佢要證明遺囑上個名，係你呢個『天發』，你先嚟同我拗，而家你都無資格。」

主持梁敏巧提出，當時天發已曾表其名字出錯，天發亦表示：「嗰時提你改返正，但你無……」賈女士耍手表示：「無、無、無，第一，無收到佢書面通知我；第二，佢無通知佢老竇。（佢爸爸走咗喎？）已經寫咗喇，寫咗遺囑先死，唔係死咗先寫，係咪啊？」天發向繼母賈女士提出：「老竇唔知個仔叫咩名？」賈女士竟表示：「咁呢個要問佢喇。」

繼母：畀佢住咗十幾年，想點啊？

賈女士之後又表示：「如果遺囑上唔係你個名『天發』，咁你就去律師樓證明你係呢個『添發』，先嚟同我講遺囑啲嘢。」賈女士還問旁邊的警察：「我講得啱唔啱，阿Sir？」旁邊的警員立即醒水避談：「阿Sir唔方便評論。」至於之前肯分租金予天發，賈女士表示是自己的主意：「份遺囑你老竇根本無寫你個名，我哋一齊去律師樓，寫遺囑時，我問『爸爸你真係唔寫佢個名？好似唔係幾好喎！』」賈女士之後更疑似質疑天發被非親生仔：「第一，唔理係咪你個仔，都係哎吔仔，都喊咗咁多年爸爸，多少都畀啲啦。」

期後賈女士急步離開現場，梁敏巧問：「有無愧對走咗嘅先生？」賈女士表示：「唔係，我先生走咗十幾年，我畀佢住咗十幾年，想點啊？（所以你覺得仁至義盡？）啱啊，佢自己做啲咩，佢自己知。（佢做咗啲乜？）心知肚明。（係咪因為錢唔顧親情啊？）我唔理啊！」隨後賈女士更否認是天發的繼母，又表示：「佢自己做過乜事佢自己知。」梁敏巧提出：「你老公係佢親生爸爸，係咪要咁絕情？」賈女士：「你去搵你老竇啦！」

賈女士隨即上私家車，而天發繼續在外說：「你同我講清講楚先，你做乜要避呢？你咁心虛做乜呢？你頭先話我唔係你繼仔，你想霸晒啲財產、金錢，你就一走了之，係咪？你做乜做到咁絕，爺爺啲財物、爸爸遺照、我媽媽遺照，你全部掉晒，你而家認錢唔認人喎。」在車上的賈女士竟然點頭示意。

大律師稱有人證物證法庭或願意更改

大律師陸偉雄接受訪問表示，立遺囑時可能當事人講錯，或寫錯：「呢啲手民之誤，法庭係有權更改。最重要可唔可以實現立遺囑嘅人嘅意願，如果佢係想畀呢個人，佢只係講錯、寫錯佢個名，其實唔重要。」大律師陸偉雄亦表示有人證或物證作實，例如當時有其他人見證，或上面有身份證號碼佐證：「如果證明到身份證號碼係指向被寫錯名嘅人，咁嘅情況下，我相信法庭願意改遺囑。」

其他文章：

東張西望丨精液斷診「女中醫」被捕！黎寬怡被推撞上演追逐戰 驚恐表情逐格睇

東張西望丨八旬老翁沉迷按摩遭兩子斷絕關係 疑被34歲骨妹騙2百萬公開露骨訊息

東張西望丨深情中女為箍煲落情降疑受騙 訪問中途被爆做「小三」：你有冇落過小朋友？

東張西望丨40歲智障女迷戀上司債務纏身 被哄騙提取強積金恐要離港：好鍾意佢，後生靚仔

東張西望丨男導師驚爆有「偷精」行為 被指性騷擾兼辱罵學員：話我係豬嘅性器官

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow