愛回家｜「熊心如」蘇韻姿被指遲到遭踢出劇組突自爆食死貓：遲到係另一個演員

更新時間：14:30 2024-06-23
發佈時間：14:30 2024-06-23

現年31歲的蘇韻姿（Andrea）近年憑處境劇《愛回家之開心速遞》飾演「熊心如（紅衫魚）」一角入屋，本來發展順利，去年傳出因被遲到、工作態度差及演技無進步等問題而被踢出劇組，直到今年年初解凍後不久宣布離開TVB！對於當日指遲到，蘇韻姿自爆慘食死貓！

相關閱讀：蘇韻姿離巢轉行做老師教授音樂劇兒童歌唱班

蘇韻姿自爆慘食死貓：

日前蘇韻姿接受莫家淦、潘梓鋒及吳雲甫主持的YouTube節目節目《潮流King》的訪問，重提拍《愛回家之開心速遞》的是非，蘇韻姿坦言曾因傳聞感到不開心：「我一直好努力做好呢份工，合作過嘅人都知我唔會擺阿姐款、唔會搞是非，所以都好無奈，我喺《愛回家》拍咗6年，遲1、2次點都會有，但如果真係遲得咁緊要，就一早冇得拍咁耐啦。我覺得有啲無辜。」

蘇韻姿離巢仍獲「熊家人」愛錫？

蘇韻姿還說：「我講嘢唔叻，驚答完會畀人扭曲，同埋公司教落我哋唔答，所以就一直冇回應，點知就變咗默認，最離譜傳到話我用粗口鬧珍姐。」自爆慘食死貓的蘇韻姿，更忍不住指遲到是另有其人：「試過去古裝街拍戲，因為我唔識路，我咪化完妝喺外景車，點知有第二個演員遲到，但要等埋佢化妝先出車，結果有同事喺現場見唔到我，就話我遲到，可能大家又錫嗰位同事多啲，就入晒我數。自己又唔想篤人出嚟，慢慢就可能有咗個壞印象。」

其他文章：

愛回家丨蘇韻姿與「熊家人」慶生被搞喊網民當睇番外篇細數缺席三成員

《愛．回家》熊心如「出走」內有玄機傳工作態度屢勸不改激嬲高層

「熊心如」蘇韻姿突遭TVB官網除名宣布正式離巢去年傳犯三宗罪被雪「回家」無期

↓立即下載星島頭條App↓