53歲TVB惡人患直腸癌腫瘤忽大忽細暫拒開刀！由便秘變每日X次便意 肚瀉竟是先兆
發佈時間：21:10 2024-06-24
有TVB御用惡人之稱的彭皓鋒去年7月透露患上直腸癌第2至3期，他近日接受資深傳媒人汪曼玲YouTube節目訪問，分享如何發現患直腸癌，以及現時的治療進度。
相關閱讀：盧惠光商天娥等群星為一人慶生！患癌「御用惡人」攜妻到賀 腫瘤近肛門恐要開造口
TVB「御用惡人」彭皓鋒談治療進度？
彭皓鋒在節目中分享，起初發現如廁方式有改變，但不以為意。彭皓鋒表示自己向來有便秘問題，大多二至三日才去一次大便，但有段時間卻變成一日去三至四次大便，而且有肚瀉的情況。彭皓鋒指起初因沒有了便秘問題感開心，更以為可以借機減肥，「但開始唔妥，點解一兩個月都係咁，跟住就去睇醫生，搵專科、腸胃科去睇。照腸鏡，一check就發現有喇。」彭皓鋒指太太Barby之前已經不時叫他做檢查，但遇上疫情加上在內地工作多時，而將檢查計劃推遲，直到解封回港，身體出現異常狀況才看醫生。
彭皓鋒質疑飲食習慣致癌
彭皓鋒坦言飲食習慣應該是最引致患直腸癌的原因，「因為可能嗰幾年，我多數都係食飯盒，油多呀……外賣求其啦，點咗就食，自己又唔識煮。」彭皓鋒沒有因患癌而愁眉苦臉，反而與太太都笑談患癌心情：「都冇乜所謂，而家OK咪得囉！其實我算係一個比較好彩嘅Cancer患者，即係直腸（癌），有啲係好辛苦㗎我知道。我聽有啲講譬如去唔到廁所呀，因為一去唔到就頂住，啲垃圾喺晒個肚入面容易發炎。咁我又冇話完全排唔到嘅，咁我暫時去廁所呀、食嘢……胃口都OK。但唯獨就係因為有嚿嘢……有嚿腫瘤喺度，令到我成日都會想去廁所。呢幾個月，我每日去廁所（大便）……可能去七、八次。但排出嚟唔多，每次都好少，但都有嘅，所以我算好彩囉，又冇話痛。」
相關閱讀：獨家丨彭皓鋒暴跌44磅仍樂觀:冇嘢捱唔過 醫直腸癌耗盡積蓄借6位數保命
彭皓鋒腫瘤忽大忽細
彭皓鋒現時仍在觀察階段，他表示：「我唯有兩三個月去Check一次，睇吓有冇大細變化。主要係做MRI同PET scan，PET scan都唔可成日做，做CT，同埋另一個可以check到你有冇擴散嗰啲嘢。」彭皓鋒由去年確診至今已做了三、四次檢查：「初初發現（腫瘤）時係5點幾cm，都大㗎！之後一月份去check 8點幾cm，但啱啱又check一次，就落返去7cm，但癌指數又冇乜上落，喺6點幾至8點幾徘徊。」
相關閱讀：TVB「御用惡人」彭皓鋒驚爆患直腸癌 接受斷食治療法延後原訂11月手術
彭皓鋒得家人支持積極抗癌：
彭皓鋒尋不同方法治癌暫拒開刀
彭皓鋒指醫生給的治療方案是做手術，不過他因不想有造口而未決定做手術：「希望縮細啲再做手術，佢哋（醫生）主要叫我做電療化療先，希望令到佢（腫瘤）細，細到幾多我諗係視乎佢（腫瘤）離肛門遠啲，咁就應該可以做手術。我而家係近肛門，因為太近就唔係就咁直接切腫瘤，可能腫瘤要再有個止口位，切咗……太近個肛門呢，個肛門啲神經就廢㗎喇！所以一直要封咗佢，就要開造口，如果開咗造口就之後都係咁樣，永遠㗎喇，所以其實我自己諗法係唔想做。」彭皓鋒怕整造口後的生活，會增加太太負擔，因此雖然明白家人擔心他的病情希望他盡快做手術，但他仍處於觀望階段。現時彭皓鋒找尋另類方法治療直腸癌，直言花了不少金錢，並已停工八、九個月，早前亦到新加坡等地看看有沒有新的醫治方法，亦有看朋友介紹的中醫等，稱仍需要時間去試，他表示：「喺我角度唔會諗住係拖囉，我會諗醫緊，會醫返好嘅，之後我咪（每個醫治方案）畀幾多個月時間，譬如呢個醫生要三個月至半年，我咪畀三個月去醫，之後再去Check。」原來他之前亦花了三個月時間看中醫，但檢查後發現效用不大，於是又轉另一方法，現時最少已經看了四、五位中、西醫醫生，希望找到更好的方法令腫瘤縮小再考慮做手術。至於醫療的金錢多得親戚資助，強調將來定必還錢，現時除了醫病，亦要專心照顧三名未成年子女。
其他文章：
TVB御用惡人彭皓鋒患直腸癌近照曝光！積極醫治仍想開工 與藝人好友聚首做一事
前TVB主持患癌住公院大呻似坐監？稱被拖症致怪病纏身：冇錢就等死囉
J2患癌主持文頌男再度入院 早前獲兩猛人援手 怕再被罵急解釋發長文原因
