星8卦丨「姐姐」難忘初戀借錢助度難關難得老公明理作支持

更新時間：11:30 2024-06-28
發佈時間：11:30 2024-06-28

「姐姐」一直都好嫌棄自己個老公，雖然叫做富甲一方，但唔係好帶得出嚟見人，所以做咗闊太都唔係太開心。其實「姐姐」最愛都始終係初戀「巴哥」，當日全靠「巴哥」可以令自己屋企度過經濟難關，雖然人人都唔明點解青春貌美嘅妹妹仔會咁迷一位大叔。

「巴哥」叫做文化界帶住「姐姐」見識唔少嘢，嗰幾年「姐姐」的確學到好多，亦明知「巴哥」個老婆犀利，從來唔敢諗多，只希望陪多一日得一日，諗住用青春留住「巴哥」個心。後嚟「巴哥」同「姐姐」講不如分開，趁佢後生出面大把好男人，唔好再浪費時間係自己身上。「姐姐」好傷心，雖然「巴哥」句句係道理，亦為自己諗，但女人對第一個男人總會死心眼啲。

「姐姐」有情義到後嚟「巴哥」好落魄嘅時候，用埋私己錢幫佢度難關。最難得「姐姐」嗰位唔多見得人，但又有實力嘅老公都知道呢件事，而又好大方由得「姐姐」出手，當然佢係唔會拎錢，只係提示「姐姐」唔好太瞓身，因為佢知道老婆成日講唔係遇到「巴哥」當年養起自己成頭家，啲日子都唔知點過，今日就當報一飯之恩，老公亦係一個好人，兩個人嘅戀情係遇到自己之前，所以大方咁有得佢去報恩，經過呢件事，「姐姐」同老公關係好咗好多，終於唔再介意對方樣貌而欣賞其人品！

其他文章：

星8卦丨「才女」最愛人夫遇「激進」大打出手嚇到「大哥」「才子」避走

星8卦丨男人愛後生女幫忙傳宗接代導演一二號棄糟糠一齊做老豆

星8卦丨「高妹」扮鍾意女人呃「小姐」好食好住唔捨得分手

星8卦丨「公子」搵名媛姐仔過橋呃父母被踢爆唔做戲直接出櫃

星8卦丨「禿頭」樣醜但識氹女「長面」唔夠「妹妹」爭輸得好失禮

星8卦丨「大少」虐待「嬌嬌」遇上「大爺」相逢恨晚愛得痴纏

星8卦｜「清秀」痴戀「導演」被趕出門口錯愛「偽君子」被騙身家