星8卦丨「人妻」離婚為復出鋪路信錯經理人爆錯料有排衰

更新時間：11:30 2024-07-05
發佈時間：11:30 2024-07-05

「人妻」最近做乜搞咁多大龍鳳？其實兩公婆有咗事好多年，亦都唔係為啲細路，「人妻」未至於咁偉大，只不過以前太細唔識諗，當初為逼婚搞到玩自殺，「人夫」驚到即刻娶佢。問題係人大咗要求會多，「人妻」後悔到死，覺得自己可以有更好發展。對好多嘢不滿時，遇到「紅哥」嘅老婆「雲姐」，兩個女人一拍即合，加埋知佢婚姻唔如意，就叫「人妻」簽畀自己，有老公做模辦，照計星途都有得諗，因為有新鮮感嘛！

相關閱讀：星8卦丨「專業」花心亂媾仔追唔掂「少爺」搞鬼自取其辱

「人夫」知道老婆唔想繼續，兩年前就分咗夠佢下半生風光富足嘅錢，如果「人妻」真係外界諗嘅為前途為想想重新出發還好呀，點知佢聽「雲姐」啲計謀，上埋自己嘅節目所謂爆料，然後做埋經理人幫佢復出。都幾十歲啦，做人阿媽阿婆就有機會，「雲姐」心知，但簽番嚟係為響朵，所以叫「人妻」係節目度有幾爆得幾爆，佢唔識分寸咁亂講一通，爆前夫唔體貼唔緊要，但講到自己好隨便亂搞男女關係就唔好啦！

原來啲內容「雲姐」係知嘅，亦唔覺得有問題，於是出嚟一面倒鬧到「人妻」洗晒版。「雲姐」知衰，本嚟有兩個劇本傾緊，亦錄咗一首歌，而家歌唔出得啦，連劇本都畀人收番，講到明話唔啱佢，要另外搵人。「雲姐」左計右計終於計錯數，因為完全無喺「人妻」方面諗，形象大跌，睇嚟呢個復出大計真係要hold一排嘞！

其他文章：

星8卦丨「姐姐」難忘初戀借錢助度難關難得老公明理作支持

星8卦丨「男主角」唔鍾意出街賴老婆妻管嚴扮無奈小男人

星8卦丨「才女」最愛人夫遇「激進」大打出手嚇到「大哥」「才子」避走

星8卦丨男人愛後生女幫忙傳宗接代導演一二號棄糟糠一齊做老豆

星8卦丨「高妹」扮鍾意女人呃「小姐」好食好住唔捨得分手

星8卦丨「公子」搵名媛姐仔過橋呃父母被踢爆唔做戲直接出櫃

星8卦丨「禿頭」樣醜但識氹女「長面」唔夠「妹妹」爭輸得好失禮

↓立即下載星島頭條App↓