鍾嘉欣46歲舊愛用老土電話殼被遭似大叔 網民反而激讚：佢真係好Cute
發佈時間：11:00 2024-07-16
46歲武打影星的伍允龍入行23年，多年來事業發展平平，而他最為人熟悉的是跟鍾嘉欣有過一段長達8年的地下情，直至今年終憑電影《九龍城寨之圍城》飾演奸角王九，人氣急升。有網民昨日（15日）在threads貼上兩張伍允龍日用出席活動用手機拍攝的相片，網民嘲伍允龍手機殼老土，似足阿叔！
相關閱讀：鍾嘉欣秘密回港撐舊愛？伍允龍曾吐苦水被嫌棄 發奮拍《城寨》有名有女
伍允龍用老土電話套？
有網民昨日在threads出post，他寫道：「佢個手機殼真係睇見都想笑」，並戴頭盔表示：「沒有任何黑佢嘅意思，我好鍾意伍允龍的，但係佢咁可愛用老人家手機殼勁反差。」從照片可見，身穿紅白色外套的伍允龍左手高舉手機拍攝，而手機套上灰黑色的保護套，款式踏實，比較適合年老的長輩用。
不少網民在帖上留言嘲笑伍允龍，「點講呢？佢嗰個同我阿媽同款」、「係我阿婆用緊嗰隻」、「從手機殼我才肯喊他一聲叔，唯一符合他年齡的物品」、「佢真係好鬼Q」、「似三歲BB拎住阿爺個手機自拍」、「咁佢都唔係潮流教主，又唔係年紀細，咩理由一定要跟潮流，手機無壞，實用夠用咁最多話佢樸素」。
鍾嘉欣大讚舊愛？
伍允龍公開三大擇偶條件
照片其實是伍允龍早前出席一個米線活動拍攝，當時他受訪期間大方承認片酬加了、廣告接不停，更罕有提及感情史，他大呻自2019年後已經無拖拍，現在正努力尋找合適的結婚對象，「多工作定少工作都想搵番個女朋友，渴望搵個伴侶好耐」，他亦公開了自己的三大擇偶條件，「要有愛心，對所有人都有愛心；要鍾意我啦；同埋最好就係靚啦！」伍允龍與鍾嘉欣於2015年分手，同年他拍攝TVB劇《城寨英雄》時，曾傳出與劇中的鬥氣冤家的劉佩玥傳緋聞，不過二人否認戀情。
其他文章：
伍允龍唔敢直認筍盤：我唔係衰人嚟 憑「王九」彈起舊愛鍾嘉欣高調讚好男人丨獨家
名人雜誌丨伍允龍銘記李小龍名言絶不飄飄然 憑《城寨》「王九」一夜爆紅
