張致恒終於生性肯返工？考獲平安卡地盤開工被捕獲網民指出一原因恐做唔長

更新時間：19:30 2024-07-19
發佈時間：19:30 2024-07-19

39歲張致恒（Steven）2019年與粉絲區燕雯（雯雯）奉子成婚，婚後四年抱四育有四子，不過張致恒與太太雯雯關係時好時壞，又經常被追數，被外界譏為「伸手黨」。張致恒早前獲舊同事兼好友吳浩康邀請做地盤，原來6月考獲「平安卡」的張致恒，已悄悄在地盤開工。

相關閱讀：張致恒夫婦疑被斥無誠信！雯雯IG留言「再見」惹憂心稱再被逼遷無力再撐

張致恒返地盤工被捕獲？

張致恒今年6月曾在IG限時動態透露將會做「職安真漢子」，扚起心肝考獲建造業工人註冊證及建造業安全訓練證明書（俗稱平安卡），當時他更上網搲撈：「終於有啦，有冇地盤即pay介紹」。近日有網民在小紅書貼出照片，見到張致恒已經到地盤工作，並寫道：「努力工作吧，希望能堅持。」

張致恒獲網民打氣

照片中見到張致恒戴上黃色安全帽，與工友有傾有講，看起來比之前減磅，雖然有不少網民為他打氣，又讚張致恒效法吳浩康跨界成為「職安真漢子」：「如果佢真係認真做好呢份工，值得支持下」。但有其他網民睇死張致恒三分鐘熱度：「扮勤力呃貨金，好快雯雯又要生要死」、「欠租咁耐先去做地盤，之前仲做餐廳」、「咪玩啦，之前天水圍咪做咗幾日冇做」、「返到幾多日吖嗱」、「可以頂到幾多日？」、「希望佢今次唔好做幾日又唔做啦」、「條友咁懶，做到一個禮拜都俾多」、「依家日日三十幾度，想知steven喺地盤捱到幾多日」等。

相關閱讀：張致恒被爆北上登台一次袋X萬？罕有夫婦同心反擊雯雯15字灰爆留言