中年好聲音3丨豬農大叔技驚四座！網民封「豬欄歌王」風水師Rock爆變喊驚

更新時間：21:02 2024-07-20
發佈時間：21:02 2024-07-20

TVB《中年好聲音3》今日進行海選，今日的參選者似乎不及去年突出，令不少觀看直播的網民感到失望，反而初亮相的評審海兒更為搶鏡。不過今日有不少特別行業參賽者進行海選，風水師、農夫到養豬都有。

中年好聲音3丨驚現「豬欄歌王」！

在今日海選初段有一位命理師「羅靈杰」（讀音），他表示自己從小已經夾band，平常多唱搖滾歌曲，自己還有作曲填詞，今次參賽希望可以重拾夢想。他今日演唱Linkin Park的《Breaking the Habit》，rock爆的曲風與平常其他《中年好聲音》的參賽者截然不同，不過睇直播的觀眾不太看好，網民更直指似喊驚，張佳添也直指他太tense（繃緊）：「你rock voice唔係scream出嚟，係要用聲帶製做compression。」

隨後還有一位豬農「胡嘉琪」（讀音）出場，他出場即表示：「我職業係養豬。」即時引起不少評審興趣，不過他續說：「呢個已經係夕陽行業，我而家係爭扎求存。」而且今次也是胡先生首次參加歌唱比賽，還大賣口乖自己每個星期都會收看《中年好聲音》，至於今次參加也是朋友取他的身份證號碼報名，當時他還跟朋友說：「我老婆唔畀我參加喎。」

中年好聲音3丨區瑞強胞弟參加海選：

今日豬農胡先生演唱蔡楓華的《倩影》，表演亦相當不錯，獲得網民好評外，伍仲衡直說：「掂喎。」肥媽也表示：「我哋畀你唱晒成隻歌，你知唔知有幾多人幾句就走得。」胡先生亦顯得相當驚喜：「唔係啩，我諗住電視城一日遊就走㗎喇。」伍仲衡也再謂：「你真係唱到有歌味，當然有好多沙石，但整體嚟講，你又唱到隻歌。」

肥媽竟然再問：「你養豬，咁我哋同你買豬係新鮮啲、平啲？」胡先生也大賣口乖：「你嚟啊，多多都送畀你啦！」肥媽即興奮說：「咁就得喇。」不過她之後隨即補充：「我畀咗分㗎喇，無私人感情分㗎吓。」周國豐又以豬作比喻講評語：「將隻豬打扮得更靚。」胡先生還說：「啲豬都有幫我評分㗎，每次都係會『乙、乙、乙』。」網民亦對胡先生一致好評，更封他為「豬欄歌王」。

另外還有一位從事農業的「浩玲」（讀音）出場，身穿一身波西米亞風的她出場時表示：「我係加拿大返嚟，我係從事農業。」曾志偉亦對她感到好好奇，問了不少問題，她還表示是專程回港參賽：「我好鍾意睇呢個節目。」她今日演出經典英文歌《The Lady Is a Tramp》，表現令人相當驚喜，完美演繹爵士風格。伍仲衡還大讚：「你完全係為華人爭光，唱呢啲鬼佬嘅音樂類型好難唱。」韋綺姍亦表示：「你唱到嗰個妹出嚟！你仲要話你個行業係farmer（農夫）。」

曾志偉亦問「浩玲」為何選這類型的歌曲，她解釋是爸爸喜歡，所以從小就聽，還表示自己未有學過唱歌，伍仲衡繼續笠高帽：「未學過都唱到咁，你天才嚟㗎喎，呢啲真係in-blood。」就連海兒亦大讀。之後「浩玲」又再示範唱《我要你的愛》，同樣相當有韻味，相信她入圍絕對無難度！

其他文章：

中年好聲音3丨區瑞強胞弟參加海選！肥媽大讚吳大強勁敵從事音樂與多位評審相熟？

中年好聲音2丨鄧兆尊細佬報名唱歌獻父母曾因爭產頻現身與祥嫂和好做孝子

中年好聲音2丨呂良偉62歲細佬呂良國凍齡參賽靚靚愛女曾被誤傳係伯父私生女

中年好聲音2丨許志安62歲哥哥現身海選同細佬唔似樣原來好唱得仲超有感情

中年好聲音2丨「御用情婦」喊驚式演唱嚇親評判《十兄弟》大口九圓亡母遺願