鄭佩佩逝世丨前空少兩遇行動不便鄭佩佩！憶述暖心行為力讚：一個人嘅修養，一睇已知
發佈時間：17:30 2024-07-21
香港資深武打女星鄭佩佩離世，享年78歲，連日來不少圈中人發文悼念這位「一代俠女」。日前有現為KOL的前空少分享曾經遇上鄭佩佩的經歷，稱在飛機上見到鄭佩佩行路時「拐下拐下」，即使行動不便，鄭佩佩也會主動與機組人員交談，笑容滿面，沒有架子，大讚對方是「慈祥婆婆」。
相關閱讀：鄭佩佩驚傳逝世享年78歲 離開時摯親陪伴在側 內地導演發文哀悼
前空少大讚鄭佩佩為人︰
該KOL安德魯在facebook撰文，說自己還是空少時，見過好多明星，有兩次遇上鄭佩佩：「我做business class，我記得第一次係2016年左右，鄭佩佩畀我嘅印象就係打女同佢個女原子鏸。」他先入為主覺得對方會好惡，「但真實嘅就係我見到佢嗰時都拐下拐下。兩次佢都係坐我做口嗰條aisle（走道）。呢個老人家不但超級有禮貌，仲會用返英文同大家講嘢（唔似有啲明星一上機就同人講今日唔影相）。」就算鄭佩佩行動不便，「佢都會走去galley（廚房）問我地拎水呀拎snacks（點心）呀，仲會吹下水咁，佢係一個慈祥嘅婆婆。」他一直記住這件事：「我啲朋友成日問我，有邊個明星做客最好，我都總會提一個人，就係鄭佩佩。一個人嘅修養，真係一睇已知。」
鄭佩佩近年身體狀況差
其實鄭佩佩早前因為拍打戲，有不少舊患，因此多年前已經有行動不便的情況。此外，鄭佩佩近日亦被外媒指2019年患上非典型柏金森病症，晚年一直與病魔搏鬥。2021年時，鄭佩佩曾被女兒公開近照，由於頸部對下貼上紗布，因而引起病重傳言，有指她在2022年時已經要用輪椅代步。
群星悼念鄭佩佩︰
其他文章：
鄭佩佩逝世丨5月被揭身體變差行路需攙扶 後輩好友直指身體狀況不太好
鄭佩佩逝世丨三女原子鏸兩年前晒合照後未再有新相 頸上貼紗布即瘋傳病危
鄭佩佩逝世｜鄭佩佩新抱年初證患乳癌 孻仔原和玉兒子僅7月大被逼斷奶
鄭佩佩逝世丨23歲事業高峰期息影嫁台灣富商赴美定居 想為前夫繼後香燈曾4度流產
