2歲半Sir Face首次賣旗！與爸爸洪永城練足一星期 細膽怕生保萌到爆
發佈時間：21:01 2024-07-25
40歲洪永城2021年與梁諾妍（Inez）結婚，翌年誕下與洪永城十足餅印的大女「Sir Face」洪靖嵐（Amber），今年3月添細女Beryl，又倒模洪永城。上周六（20日）洪永城、梁諾妍和Sir Face一齊賣旗，事前洪永城和太太與首次賣旗的Sir Face先在家中進行綵排，Sir Face萌爆說：「買支旗，啊該！」勁得意
相關閱讀：洪永城老婆梁諾妍12年前選美樣貌曝光！驚爆早年已做過新娘 網民發現撞樣兩女星
洪永城一家賣旗：
洪永城與太太近日在IG出Post，分享愛女Sir Face首次賣旗，洪永城透露一家人為「願望成真」賣旗籌款，他寫道：「之前一星期已經開始練習，佢都好識做，希望可以幫助更多重病兒童實現願望，今次係Amber第一次賣旗，亦係一個好好嘅experience俾我哋一家人參與義工服務。」
梁諾妍也大讚Sir Face表現良好，她寫道「上星期六帶咗Sirface體驗咗一個好有意義嘅活動，Sirface第一次賣旗籌款，除咗希望可以幫助更多重病兒童實現願望，身體力行幫助有需要嘅小朋友之外，亦都係一個好好嘅體驗俾Sirface練下膽量～從小培養幫助別人的精神，我覺得Sirface做得好好啊，一啲都冇怯場，都好大膽主動去搵大家賣旗，爸爸同媽媽so proud of you！」
洪永城愛女萌照：
從洪永城和梁諾言分享的影片可見，他們在家中綵排時，Sir Face攞住旗袋，洪永城說：「咩事，有咩幫到你？」2歲半的Sir Face說着BB話：「可唔可以…買支旗」，洪永城細心地教愛女要說「唔該」，Sir Face也聽教聽話說：「買支旗吖！啊該！」隨後Sir Face搶着要幫忙入錢，貼貼紙時，更搞笑說：「俾貼紙貼Amber！」相當搞笑！
洪永城教Sir Face賣旗要大聲啲
上周六早上，他們到香港大學站附近賣旗，洪永城攞住貼紙，Sir Face攞住旗袋，洪永城教囡囡賣旗幾步曲，「大聲啲，買支旗唔該！」有途人買旗時，又教囡囡說：「多謝哥哥，多謝姐姐」，面對陌生人的Sir Face有點「怕生保」，細細聲說：「買支旗吖！」洪永城再吩咐囡囡給貼紙對方，Sir Face乖乖聽從，還報以可愛的笑容，感謝對方捐款買旗。網民在帖上大讚Sir Face好叻女，「Sirface好叻女呀！好可愛呀！」、「佢把聲冧死」、「very good 好教育」、「Amber 應該做慈善之星！爸媽教得好」、「你一家好sweet、一定要堅持相親相愛、小朋友才健健康康成長。」
其他文章：
洪永城一家四口沙灘夏水禮 《東張》男主持讚Sir Face水着被鬧「怪叔叔」
執法者們丨洪永城被羅子溢踢爆愛看梁諾妍拍親熱戲 排定隊與楊茜堯拍激烈性感戲 笑稱二女出世雙眼好大似對方
洪永城細女鼻樑飆高有望搣甩「Sir Face 2.0」？梁諾妍幸奶水充足爆囡囡好擦得
