森美小儀《早霸王》瘋傳8月初停播！開咪親解傳言：心諗係時候可以退休喇
發佈時間：16:00 2024-07-26
森美與小儀由90年代開始已經合作無間，2009年4月開始兩人主持商台叱咤903即目《早霸王》，至今已經超過15年，深受早上聽眾歡迎，然而近日傳出節將於8月5日「執笠」停播，將會有新節目出街。今早森美、小儀開咪期間，亦有回應事件，原來只是虛驚一場。
相關閱讀：早霸王丨TVB前外判司機爆男星私下一面！稱曾被小生喝罵 有人扮闊佬萬歲竟揀人請？
森美小儀《早霸王》停播？
網民不捨《早霸王》驚呼：世界末日
Facebook專頁「全港店舖消息(開張/執笠)關注組」今日有網民發文指，森美、小儀及梁嘉琪主持的《早霸王》有傳將於8月5日執笠，同時連登今日凌晨亦有網民發文指：「8月5號開始903係咪無《早霸王》？聽到有新節目《今朝多珍重》。」隨後再指說：「有個阿伯主持。」引起不少聽眾恐怖，紛紛留言表示：「X呀，世界末日了」、「吓！早霸王都可以執？」、「拆夥？」
森美、小儀及梁嘉琪今早在《早霸王》回應瘋傳節目停播一事，森美提到15年前從晚上節目《架勢堂》轉到早上的《早霸王》，對於節目傳停播坦言：「應該都冇乜地方可以去㗎喇，冇㗎喇。節目表每個時間都好穩定，所以監製同我哋講唔使做，我都心裏面諗：『係時候可以退休喇』。」
《早霸王》疑將縮短早半小時
不過之後森美表示：「監製之後話『到時好似有半個鐘頭，你哋唔使做。』」梁嘉琪與小儀立刻大笑，梁嘉琪還說：「我本身諗緊去邊（玩）啊。」對於新節目，森美則相當保密：「嗰半個鐘頭邊個做，我唔喺度講、唔講得，只能夠我知咁多講咁多，因為啲人係咁問我，我又唔想唔講。」梁嘉琪還笑說：「呢半個鐘邊個頂替到你？」小儀則表示：「應該呢個禮拜，慢慢聽住903你就會知。」森美同時指自己未露透露太多，怕會被人炒魷魚：「我講嘅嘢全部都係事實，今朝先話到畀你聽。監製冇叫我講，冇人畀我講，我只可以講到咁多，如果唔係我真係俾人炒。」
森美靚靚老婆做過DJ？
小儀爆高層叫安撫森美
小儀隨後更大爆，早有高層在宣傳聲帶出街前，已着她提醒森美：「喺呢個宣傳聲帶之前，即係我哋節目將會俾人霸咗呢個時段之前，有個高層同我講：『嗱，我哋嚟緊有個咁嘅promote（宣傳）出街，你可唔可以幫我同森美講，話定畀佢聽，我驚佢啲朋友聽完，話畀森美聽，佢會驚』。」森美則霸氣回應：「你話返畀個高層聽，真係未驚過。」
商台台慶搞大型廣播劇
期後有報道指，原來霸佔《早霸王》半小時的《今朝多珍重》，是商台的大型廣播劇，為商台65周年台慶的大搞作之一，將會於881及903分別在晚上及早上播出。而《今朝多珍重》903預告中出現、被網民指是阿伯的「楊雲峯」，原來是影帝林家棟；至於881宣傳聲帶中則是由903 DJ林海峰錄製。
森美與小儀在1997年一同主持《森美變態樂園》，開始長遠20多年的合作，之後主持過《森美小儀dot dot dot》、《森美小儀山寨王》、《架勢堂》等商台節目，是不少聽眾的集體回憶。現時逢周一至周五早上10時播出的《早霸王》在2009年4月底開播，近年當紅的DJ阿正亦曾擔任節的PA。2018年Marco加入主持，去年Marco離開節目，TVB前女星梁嘉琪翌日加入至今。
其他文章：
森美22年前舊照撞樣姜濤！被蔡一傑公開質疑整容 小儀5字回覆證實？
TVB前女星梁嘉琪自爆被圈中前輩撩上房 網民憑兩線索推測「男主角」：奧運六子？
森美「破處」確診新冠變聲柴房隔離 《早霸王》三DJ同時中招節目明復常
梁嘉琪透視魚網衫驚現黑色神秘三角 嚇親森美小儀：尷尬過裸露！
