莊韻澄離婚丨呂成忠自揭帶仔返台灣原因 莊韻澄堅拒再受威脅：以事實去回應！
發佈時間：19:30 2024-07-30
莊韻澄（前名莊端兒）在本月26日宣布與結婚4年的老公呂成忠（Joe）正在辦離婚手續。莊韻澄透露年初3歲大的兒子「波子」呂崇滈被呂成忠不動聲色帶到台灣，現已安全返回她身邊。昨日（29日）呂成忠現身邵子風、大佬B的YouTube頻道，解釋抱走小朋友去台灣的原因，莊韻澄拒絕再被前夫威脅，都會以事實去回應！
相關閱讀：莊韻澄宣布與呂成忠離婚！獨力賺錢養家被情緒勒索 稱遭老公要脅公開私隱
疑似莊韻澄對BB作出危險動作？
呂成忠稱莊韻澄患產後抑鬱不求醫
莊韻澄日前宣布與結婚4年的老公呂成忠辦理離婚手續，莊韻澄曾自揭長期受到對方情緒勒索、言語暴力而不歡而散，同時表示年初兒子「波子」呂崇滈年初被爸爸不動聲色帶到台灣。昨日呂成忠現身邵子風、大佬B的YouTube頻道，解釋抱走小朋友去台灣的原因，呂成忠懷疑莊韻澄患上產後抑鬱並提供一張有個女人企在矮凳上抱住小朋友，站於露台的相片，呂成忠還說︰「我懷疑佢有產後抑鬱。我叫佢睇醫生，佢同我講『你睇先』。」呂成忠同時亦提供一段CCTV的影片，聲稱在「cctv見有人裝符水入水壺，畀BB飲。」甚至又指「仲有用符水幫BB眼。又唔畀我錫BB，話我影響到佢。」不過片段全部被打上「馬賽克」。至於為何把兒子帶到台灣，呂成忠表示之前發現兒子有傷痕，覺得有人同兒子玩時「玩得粗」，加上面對各種原因，他才會不動聲色把兒子帶到台灣，呂成忠一度喊著表示︰「我淨係想要返個仔，我而家要見個仔，就要等社工安排。」
莊韻澄住複式豪宅？
莊韻澄撰長文反擊呂成忠指控
節目播出後，莊韻澄在IG撰800字長文反擊，揚言統一回應呂成忠先生指責：「如果想復合想做好老公或好爸爸請你正正經經去打份工，搵份要供強積金要交稅嘅穩定收入。而唔係喺我完全供養呂成忠生嘅日子底下，連負責分擔我嘅工作都要計較，而我在未認識呂成忠生之前，一樣係冇固定經理人都係咁工作！只係我個人主觀理想諗住兩公婆一齊努力搵錢啫！」
莊韻澄續說：「唔好浪費大家時間！我就成就你所想！要撕開肚皮去面對700萬以上人，講真我公開出得聲明就預咗，我唔會再受呂成忠威脅，因為我係公眾人物關係，呂成忠先生每日用不同嘅存檔去威脅我或聲言公審我！我會勇敢去逐一回應，我係人、都有情緒都會做錯事！一切都只係證明呂成忠先生點樣去繼續傷害我同個仔！雖然我冇呂成忠先生咁多計謀咁多設計，但你做過鬧過我嘅鬧過我身邊朋友嘅，唔多唔少都會有記錄！呂成忠先生想用公審形式去傷害我唔緊要！但呂成忠先生一定記得一句說話贏場交輸個家！」
莊韻澄再說：「至於有人用傷害人嘅方式，利用人哋嘅家庭糾紛去增流量及利益實屬卑鄙行為！再次重申本人並無自殺傾向！如果要自殺早死咗，唔使咁努力積極去工作！就算受盡天下人言語攻擊！我都會以事實去回應！請呂成忠先生兌現你嘅誓言，只要你講一個大話以後都冇得見個仔！多謝你哋令我變得更堅強更勇敢！即使我孤身1人要面對你發動嘅一切事情，我仍然會坦然面對！畢竟呢件先係我人生大事！我係應該面對我嘅人生！我會繼續我嘅工作繼續去湊仔繼續去陪我媽咪，繼續見想見我嘅朋友繼續出IG繼續我精彩嘅人生！我記得自己好細個嘅時候整傷自己，傷口好痛時我會同自己講︰心啦！好返呢就會唔記得咗當時有幾痛！我會每日喊住同自己講一次甚至更多次！但傷口一定會好返事情一定會過去！情緒同傷心一定有但我一定會好返！」
呂成忠曾經破產
其他文章：
莊韻澄離婚丨呂成忠婚前被爆欠債破產 婚後一家入住複式連天台海景豪宅
莊韻澄離婚丨親揭分居真相！呂成忠結婚當晚已抱怨：如果唔係娶咗你，就唔會全世界知我破產！
莊韻澄離婚丨曾戀性上癮張致恒拒婚！多次被出軌萌輕生念頭：唔想做「離婚KOL」
莊韻澄離婚丨呂成忠婚前破產獲莊韻澄力撐 婚後做老婆經理人住豪宅
