巴黎奧運丨何詩蓓為香港體壇締造歷史！對100米自由泳有信心：最重要係好好做恢復
發佈時間：16:00 2024-07-30
「香港女飛魚」何詩蓓（Siobhan）於巴黎奧運女子200米自由泳決賽奪得銅牌，何詩蓓將在香港時間今晚（30日）黃昏出戰女子100米自由泳預賽，如無意外，何詩蓓將接戰香港時間周三（31日）凌晨的準決賽，力爭躋身周四（1日）凌晨的決賽爭牌，何詩蓓坦言以平常心去出戰，衝擊個人紀錄為目標！
相關閱讀：巴黎奧運丨何詩蓓有個高顏值舊愛！家世顯赫親戚從政做總理 餅印家姐都係「女飛魚」
何詩蓓以衝擊個人紀錄為目標：
何詩蓓深明比賽不容易：澳洲實力好強
何詩蓓奪得女子200米自由泳決賽銅牌後，接受TVB巴黎特派專員方力申的專訪，問到何詩蓓比賽時的感受和能否順利執行比賽部署，何詩蓓坦言：「我知道呢場比賽（成績）會好近，澳洲實力真係好強，佢哋幾個月前先破咗世界紀錄，我知呢場比賽唔會容易，我嘅強項係 Easy speed，所以我盡量一開始游快少少，以一個輕鬆速度去游，我知道澳洲選手通常會喺最後50 米會搏盡衝番上嚟，我知道最後 25 米唔可以放棄，耷低頭好快咁去游，睇吓邊個可以最快掂池，雖然時間比我想像中慢少少，但係攞到銅牌我都好開心，同埋現場見到好多香港區旗，好多香港人嚟咗呢度睇我比賽，我屋企人都喺現場，令我感受到大家嘅支持同埋好開心。」
巴黎奧運丨何詩蓓背景強勁︰
何詩蓓感激香港觀眾捱夜支持
何詩蓓又感激身在香港的觀眾捱夜支持：「好多謝大家嚟緊呢兩個星期要捱夜睇比賽，好多謝大家支持，我呢幾日比較少上 Social Media，睇唔到大家嘅 Message，但係我收到大家嘅愛同埋支持，希望大家繼續支持香港運動員，我哋好努力為大家比賽，希望大家都可以支持我哋。」何詩蓓將出戰女子100米自由泳，問她會否因為先奪一面獎牌打了一支強心針，同時又因大家的期望變得更感壓力？何詩蓓坦言：「唔會，我知道過去幾年落咗幾多苦功，訓練有幾辛苦，我對自己有信心，而家最重要係返去好好做恢復，希望抖足精神，聽日一步一步咁嚟。」方力申再問到連續兩屆奪得獎牌，感覺那一屆比較困難？何詩蓓說：「屆屆都唔同，上一屆期望冇咁高同埋冇觀眾，所以壓力冇咁多，雖然今次期望多咗，但我對自己能力都有信心，同埋感受到大家支持。」
其他文章：
巴黎奧運丨黃鎮廷杜凱琹混雙8強戰另一亮點！總教練李靜肉緊表情逐格睇 說話精警俘虜網民心
巴黎奧運丨鄭裕玲契女與江旻憓係同學！晒舊照展最萌身高差 爆求學時一舉動成就金牌佳績
巴黎奧運丨韓國女箭神「小全智賢」濃妝上陣！比賽期間甩妝曝露真實膚質 一部位狀態引熱議
巴黎奧運丨「花劍一姐」陳諾思曾因一件事害怕劍擊 畢業於Band 1名校星級校友來頭勁
巴黎奧運丨江旻憓被爆15年前往事！才華早被肯定獲「特別照顧」 父女溫馨細節曝光
