70年代資深歌手公開中風保命招式！老公兩度出事咬爆手指救夫：嗰陣嚇死我
發佈時間：14:45 2024-08-01
資深歌手舒雅頌在70年代曾經推出過不少經典金曲，如《別了舊庭園》、《啼笑因緣》、如《喜相逢》、《相思淚》和《分飛燕》等，直到80年代因為結婚而退出樂壇，轉行做保險的舒雅頌依然與圈中好友聯絡，外貌依然高貴大方！日前舒雅頌接受鍾慧冰（冰姐）的YouTube節目訪問，她透露老公曾有中風症狀，最後用一支針、咬手指急救成功！
相關閱讀：70年代歌后宴請馮素波梁葆貞！患重病淡出轉行逾30年 與一TVB男星有親
舒雅頌分享如何救中風老公？
舒雅頌日前接受鍾慧冰的YouTube節目《冰姐的花樣人生》訪問，原來舒雅頌的老公曾試過兩次中風，鍾慧表冰說：「兩次中風都喺度打緊麻將，打打吓突然就中風，真係好驚！」舒雅頌說：「驚㗎，佢第一次中風我坐緊飛機，一到上海就到佢電話，就話佢中咗風，嗰陣嚇死我，好彩個仔喺澳門趕過嚟， 仲即刻call白車送佢去醫院，好彩同佢打麻雀嗰4個人，有3個都中過。」
舒雅頌老公曾兩次中風
舒雅頌稱當時老公身在酒樓，大家第一時間搵一件物品：「佢哋周圍搵針，就算冇繡花針都要，原來係用嚟拮佢啲手指，因為中風嘅話，血係飆上頭，如果拮穿啲手指，血咪喺手指流出嚟，咪唔會飆上，去到伊利沙伯醫院就OK了，即日可以出院，阿仔都話畀我知冇事，話爸爸醒返，我先冇咁驚。」之後舒雅頌和老公看中醫，中醫師都話沒有事。
鍾慧冰人生可謂經歷了不少起跌：
舒雅頌：佢發晒癲
後來舒雅頌的老公又再一次中風，情況比之前一次危急，她說：「今次唔係打麻雀，打麻雀另外有三次，第二次中風係喺車，好彩今次有我三妹同個朋友喺一齊，突然間見到佢好似發咗癲，唔知發生甚麼事，嗰陣我揸緊車，好驚，又搵唔到針，唯有捉實佢隻手，咬到佢啲手指出血，然後佢又咬住我隻手，好似傻咗咁，我都唔理喇，我個妹妹不斷叫我停車，我咪話如果停車佢即刻會死，於是咪即刻去仁安醫院，去到仁安，三個醫護都撳佢唔住，佢發晒癲，我咪入去撳實佢，要打兩支針先得。」
舒雅頌分享急救方法
舒雅頌續說：「有腦科醫生同佢check喎，佢個腦冇事，佢打牌嗰幾次係突然間停咗喺度，雷導、葉導、煒烈嗰班導演全部都知。有心臟醫生話如果佢係會咁，即刻畀佢瞓落地，抬高佢隻腳，等啲血上返去心臟，咁呢啲都唔算係中風，不過呢個做法只可以做10零秒，如果冇血到就好麻煩，有時搓佢番臉，叫醒佢就冇事，呢個方法係咪次次都work，我唔知，我諗係個別，不過唔使咁驚，你越驚就越麻煩。」
其他文章：
79歲馮素波「王者」飯局！網民驚訝全是亞視佳品 73歲中風王被讚無變過
順嫂梁葆貞與吳君如母親冬嬸飯敍！ 「兒子」罕同場晒近40年母子情掀回憶殺
79歲馮素波公開「第一次」體驗！驚爆被困好驚險 網民見一反應送關心
七公主結義金蘭60年！薛家燕晒「元祖女團」合照 甜甜蜜蜜賀情人節
馮素波與星媽組長青女團？網民推算加埋逾300歲 興奮扭動身軀開心到扣錯鈕
