星8卦丨「高大」媾錯大嫂大佬開辣條件懲罰急娶「忠心」自救害人害己

更新時間：11:30 2024-08-09
發佈時間：11:30 2024-08-09

因為係初戀，「忠心」對「高大」一直念念不忘，所以當「高大」突然之間再對佢展開追求嘅時候，即刻心心眼。「忠心」細細過出嚟搵食，為養家都唔係好介意自己搞成點，不過最美好年華遇到「高大」，當時兩個人都無錢，初戀係特別難忘。

奇在「忠心」以為「高大」咁大名氣唔會再搵自己，因為當時有「花旦」做女朋友，而且半公開啦！所以有一晚「高大」突然打畀自己話想出嚟傾下偈，見到面之後「高大」話對佢始終放唔低，知道自己係對方初戀，所以好想再續前緣，仲擺阿媽上枱話佢一直好想自己成家立室。

「高大」出咗名孝順，搬阿媽出嚟「忠心」梗係信，天真咁以為「花旦」唔可以入門，又關阿媽事，因為唔鍾意佢喎。其實係當時「高大」食錯咗江湖大佬嘅女人，唔單止畀人打鑊金，仲開咗條件要「高大」3個月內搵個女人結婚，如果唔係就有排都唔得閒，日日搵人搞到佢雞犬不寧。

「高大」見個女人好合自己眼緣，喺埋一齊都冇一個星期就遇到教訓，「花旦」知道呢件事又唔肯配合，咪諗起要搵「忠心」，知道佢一直都放唔低自己。果然一星期後就宣布婚訊，令到成個社會都覺得震撼㗎！

其他文章：

↓立即下載星島頭條App↓

最Hit

6小時前

4小時前

15小時前

18小時前

16小時前

2024-12-17 12:30

2024-12-16 10:00

21小時前

2024-12-16 16:23

3小時前

星8卦丨「高大」媾錯大嫂 大佬開辣條件懲罰 急娶「忠心」自救害人害己