67歲女星通波仔期間爆血管險死!視像見女噴血 危急關頭老公拒接電話怕被詐騙
發佈時間:18:35 2024-08-15
![67歲女星通波仔期間爆血管險死!視像見女噴血 危急關頭老公拒接電話怕被詐騙](https://image.hkhl.hk/f/1024p0/0x0/100/none/c837842ecfdb24c8f8a0a814570f5e63/2024-08/ENT___72.png)
歌手蘇珊早前接受前港姐鍾慧冰的YouTube節目《冰姐的花樣人生》訪問,談及陳年往事之餘,亦說起近況。現年67歲的蘇珊非常注重身體健康,平時有做運動,每2年亦會驗一次身,但疫情期間因延遲了一年驗身,才知身體出大問題!
相關閱讀:邵氏男星被爆爛賭連累妻女!歌手前妻憶做單親媽賣唱代還債 剛生B慘遭老公背叛
蘇珊做手術時爆血管險死:
《冰姐的花樣人生》新一集日前上架,蘇珊表示疫情期間生了一場大病。當時新冠疫情嚴峻,蘇珊因知道入院做身體檢查前,需要額外做核酸檢測,覺得有些麻煩,因此一直拖延沒有做身體檢查,直至醫生提醒她應盡快做腸道檢查,加上有專人免費上門為她做核酸檢測,比之前方便,她亦聽從醫生說話盡快做檢查。據蘇珊分享,她之前檢查過腸道有息肉,因此一直有觀察情況,「橫掂都入去喇,要Check腸,不如全身Check啦!三年喇,之後又唔知會唔會話唔准入去醫院,咁就做晒啦……點知一攞個報告,醫生好好,佢話我腸冇大礙,但將份報告一嘢掉喺我張床,黑口黑面噃!」原來蘇珊心臟出事。
相關閱讀:天王愛徒突然離世終年38歲!去年跌倒頭受重擊復出前傳噩耗 女星好友:天堂沒有病痛
蘇珊心臟三條血管全塞
蘇珊檢查後被醫生告知,她三條大動脈全塞:「我即刻去睇心臟科,喺浸會度睇。」蘇珊被教授告知三條大血管阻塞指數達七成,立即為她安排下周做手術,得知價錢後,她表示:「死火喇,因為我哋嗰代啲藝人,我唔敢講好多……但以前最多識買人壽保險,唔係好多人識買醫療保險,佢講咗個數目我已經呆咗,好貴。」最後她決定去公立醫院求醫,但到達伊利沙伯醫院看到很多病人,她非常擔心要等很久才可做手術,護士請她回家等信,需時六星期,但最終只等了三日:「佢打畀我,叫我唔好等信喇,話心臟科想盡快睇我。」鍾慧冰好奇蘇珊心臟三條血管全塞,為何看似完全沒有感覺,蘇珊表示:「冇感覺、冇痛,因為我係先天性。如果你覺得有火燒心感覺以為胃唔舒服……我問返原來兩者唔舒服嘅感覺係好似。」蘇珊指起初只覺心臟有「翳住」,和有胃酸倒流的感覺,想不到如此嚴重。
相關閱讀:91歲男星跌倒頭部血流如注!暴瘦20公斤坐輪椅現身 曾腿動脈阻塞手術大出血險死
歐倩怡大病險死爆郭晉安「照顧」方式:
蘇珊以為公立醫院做手術免費
蘇珊指到醫院只花10分鐘已經見完醫生,蘇珊分享醫生對她說,心臟三條血管塞得很嚴重,雖然好危急,但不至於即時有生命危險,僅表示會盡快安排她做手術,不過最快都要等四個月,「其實已經係好快,佢話『你預十幾萬啦』,我話『政府醫院唔係唔使錢咩』,佢話『小姐,我哋醫生係唔收錢嘅,藥都係唔使錢,但工具呀……支架要錢噃』,有平有貴,即係你用咩支架都要錢㗎!」醫生提出可以安排社會福利署幫她。
蘇珊做手術時爆血管
蘇珊最後因不想等四個月,決定到另一間醫院求醫,正式做微創手術時,只有手部麻醉的她感到有些不精神,她當下聽到響鐘聲,以及醫生向同事大叫詢問有沒有麻醉師。原來蘇珊突破被安排提早開刀,但麻醉師不在醫院,後來得知醫院曾致電給蘇珊老公,但沒有人接聽,「佢以為係叫借錢嗰啲銀行,以為騙子,又唔聽電話喎!因為原來我心臟病發,爆血管,跟住肺炎,醫生要佢簽紙呀,醫生問我可唔可以等十幾分鐘。」蘇珊當下一直祈禱,更想到如果她離世,擔心身在美國的女兒不知她把家傳的首飾收在家中哪兒。
相關閱讀:郭晉安反擊被前妻歐倩怡指控見死不救 澄清房內無痰罐:唔係真嘅嘢唔想再講
蘇珊跟女兒視像見面時噴血
蘇珊在情況危急當下入了ICU,醫護人員讓她跟身在美國的女兒視像見面,「一路同佢講,一路噴血囉。因為肝係識自我修補,但肺係唔識,我要分享就係原來你有痰一定要吐出嚟,因為我做治療都要有個儀器……有個膠波,佢要你吸,將你個肺功能提高,等你可以吐晒你啲血同痰。」最終蘇珊昏迷了幾日醒來,連醫生都指她幸運,她想借此分享,大家要記得定期做身體檢查。
其他文章:
港姐冠軍謝嘉怡宣布噩耗!家人突然離世消息登上BBC:非常感謝共同經歷28年人生
93歲資深女星食飯噎死!喪禮已低調舉行 曾演出多部知名導演電影
前港姐季軍患怪病「買定骨灰龕」 曾淪雷曼苦主決心與出軌夫離婚:做人要靠自己
前J2患癌主持文頌男道出公院問題被批評!再透露護士漏派藥:問幾時派一次又答唔到
歐倩怡曾大病險死!前夫郭晉安「照顧」方式震驚主持 暈咗都唔送入院:醒返喺個痰罐度