王晶罕談邱淑貞現冧樣？睇港姐競選已知「有得發展」 爆對方多有米男友不阻愛將嫁人

王晶最近開設YouTube頻道「王晶笑看江湖」，繼早前一連三周大談周星馳為人，昨日（17日）王晶以「點解邱淑貞係王晶御用女角？」為題上載新影片。眾所周知，王晶的「晶女郎」名單之首就是邱淑貞，外傳二人有段情，但王晶不想放棄家庭，最終未能跟邱淑貞開花結果。在影片中，王晶談到初見邱淑貞的情景，描述得非常細緻，更多次甜笑，被網民笑指現冧樣。

相關閱讀：周星馳遭王晶批評成熱話 激罕訪問片瘋傳 39個字反擊指控

王晶罕談前緋聞女友邱淑貞：

王晶之前談周星馳有女兒王子涵一起拍攝，但未知是否因這集要談前緋聞女友邱淑貞，他改用了御用編劇李梓樅陪他做節目。王晶在節目中談及前緋聞女友邱淑貞表現大方，他分享首次留意到邱淑貞是於1987年，當時邱淑貞參加香港小姐競選，同屆佳麗質素好高，包括李美鳳、楊寶玲、林穎嫺，甚至有後來亦成為「晶女郎」的關秀媚，不過王晶表示：「關秀媚都只係入咗決賽咋，我開頭都冇留意。」王晶因在周刊上看到邱淑貞小公主打扮的照片，他仍記得邱淑貞當時束了一條馬尾，「我覺得呢個女仔好甜美，係好容易畀人接納嘅外表，當時我都已經拍咗好多部戲，但就好少用一啲新啲嘅女仔啦！嗰陣最新都係用張曼玉、鍾楚紅。我覺得呢個女仔真係有得發展㗎喎！係好有潛質。」王晶分享當時他用黑白迷你電視看完整個港姐準決賽，「我覺得呢個女仔各方面都好好。」他亦關心邱淑貞能否得冠軍，因為奪冠的港姐需代表香港做很多親善工作，入行頭一年一定不可能拍電影，豈料後來邱淑貞因爆出整容事件而需退賽。

相關閱讀：王晶斥周星馳有風駛盡艃！爆女星拍《國產凌凌漆》戲份全被剪 《少林足球》因兩字內地上唔到

王晶憶初遇邱淑貞未講先笑

王晶在節目中亦再為邱淑貞平反，指她的下巴並非整容，而是矯形，事關邱淑貞曾跌倒，該手術是為了重整下巴。當年邱淑貞雖然退賽，但最終都加入了TVB，王晶亦留意到TVB沒有好劇給邱淑貞發揮。直至王晶要開拍電影《撞邪先生》需要一個女配角，他向方逸華提出想找邱淑貞拍戲，王晶分享第一次見邱淑貞真人的情景，王晶未說先爆笑：「我第一次見，真係第一次見佢，就笑到我不得了。佢變咗『跛豪』，佢攞住個枴杖拐住嚟，一隻腳包住晒，原來佢去台慶排舞扭傷，衣衫襤褸咁、殘脂淨粉，然後跛腳嚟見我嘅。咁我覺得佢唔係咁樣嘅，佢OK嘅，咁就……都用咗佢。」王晶指邱淑貞拍《撞邪先生》雖然發揮不多，但學得快。直至1988年，王晶再開拍電影《最佳損友》，因要降低成本，於是決定再選用邱淑貞，而由於邱淑貞在片中的角色名是「屈豆豆」，自此邱淑貞就被稱為「豆豆」。後來連拍多部戲王晶都將邱淑貞加入女角當中，但由於都是群戲，發揮不大，邱淑貞亦不太突出。

相關閱讀：周星馳被爆《少林足球》合約細節好唔公平？ 王晶：當其他人係狗囉

邱淑貞生圖流出狀態驚人？

 
王晶爆邱淑貞入行初期已想結婚

邱淑貞當年入港姐總決賽時已宣佈跟男友分手，而王晶亦透露在拍《撞邪先生》時期，邱淑貞亦有位富有男友：「只記得第一日嚟拍戲，聽到轟轟轟聲……法拉利送嚟嘅，跟住法拉利送走。」王晶指以他認識的邱淑貞因為家境不好，「佢好醒目、好搏、好想紅、好想改變生活，以我當時理解。」王晶當時想給邱淑貞更多上位機會，不過邱淑貞似乎更想嫁人，王晶表示：「《最佳損友闖情關》之後，佢就冇咁進取喇，開始唔係咁想接戲，咁我想去了解吓啦，點解有啲唔同咗，哦……原來談戀愛。我話『咁得喇，唔使多講，你好好找尋你嘅幸福』。」不過當時邱淑貞的未婚夫並非那位駕駛法拉利嘅男士，而是另有其人，王晶說：「又一個。」後來王晶要趕拍另一部戲，快將開拍《賭俠》，突然收到邱淑貞來電：「佢話『我換電話號碼喇，我而家畀個新電話號碼你』，後來都冇再follow up成件事。」直至邱淑貞到片場探王晶，聊天才得知邱淑貞已跟男友分手，邱淑貞表示想拍戲，王晶說：「都冇問題嘅，咪拍囉，都係停一年幾個月左右啫。」但由於當時《賭俠》角色已經全部有人選，王晶在接着開拍的《整蠱專家》中再選用邱淑貞。

相關閱讀：王晶周星馳為錢失友誼？目擊影帝被冷待感不滿 於片場險大打出手：以後都唔好合作

王晶為邱淑貞度身訂造劇本

王晶大讚邱淑貞是少有接到周星馳戲的女星，之後一直合作愉快，後來邱淑貞更遇到代表作《雷洛傳》，王晶決心要為邱淑貞寫一個度身訂造的劇本，「我想能夠幫到佢，我以後就多個人用。我就寫咗《與龍共舞》。」但由於最後投資方想用張敏做女主角，最終只好換人，但他承諾再為邱淑貞寫另一個度身訂造劇本，後來王晶開拍《賭城大亨之新哥傳奇》及《賭城大亨II之至尊無敵》亦有用邱淑貞做其中一個女主角，表現都非常好。

相關閱讀：王晶大爆周星馳整容！因一事令友情生變 揭星爺情史點名兩女星：睇住佢郁手！

王晶與周星馳因錢失友誼？

王晶力捧邱淑貞惹林青霞不滿

王晶在90年代初開拍《鹿鼎記》，再起用邱淑貞做「建寧公主」，在美女如雲的娛樂圈中，此角無疑幫了邱淑貞一把，不過王晶為邱淑貞加戲份，讓她與周星馳有更多對手戲等行為，卻令其他女角有微言，其中包括林青霞。王晶說：「佢（林青霞）喺出面講『哎呀，我整天跟在邱淑貞屁股後面走來走去，都不知道我在幹甚麼』，咁後面緊係畀返多啲戲林青霞啦，群戲場面就唔需要佢喺度啦！」王晶指邱淑貞自知在那個美女如雲的年代，要上位並非易事，於是王晶提出一個想法：「除非有突破啦，當時葉玉卿、李麗珍就拍咗幾部三級片，就好放……引起咗一陣熱潮，咁我同佢（邱淑貞）講『你有冇膽向呢方面諗』，佢話『去到咁我唔得囉』，我話『千祈唔好去到咁，千祈唔好真係全裸，咁你就太Low喇』。」王晶用唯美方式拍攝《赤裸羔羊》，將邱淑貞拍到不用全裸都表現出性感一面。王晶又大爆，當年蕭芳芳其實有份參演《赤裸羔羊》，但看過海報似乎覺得尺度太大最終辭演，該角色最後由姚煒出演。
 

其他文章：

巴黎奧運丨邱淑貞一家赴法國參與盛事！大女沈月現身會場好出眾 對母撒嬌說兩字

邱淑貞超近鏡「死亡角度」生圖流出！真實狀態震驚網民 展現強大媽媽感？

56歲邱淑貞真實狀態曝光！風韻猶存近乎零皺紋 愛女沈月行Catwalk豪門閨密撐場