國家隊訪港丨王祖藍與全紅嬋交換微信！搵到比自己矮嘅運動員露招積樣網民：小心被抬起

更新時間：16:40 2024-09-01
發佈時間：16:40 2024-09-01

巴黎奧運國家隊代表團一連三日旋風式襲港，昨日（31日）已經結束香港之行，轉到澳門繼續訪問行程。日前在香港舉辦的《奧運健兒大匯演》，TVB派出多位主持參與，繼陳貝兒率先打卡後，汪明荃、陳庭欣、區永權、何沛珈亦輪住分享與國家隊運動員的合照呃Like，而王祖藍更成功取得全紅嬋的微信，羨煞不少網民。

王祖藍成功加全紅嬋微信？

王祖藍連續出兩個帖文，先是分享合照，之後再上載影片，由於上一屆國家隊訪港，亦是王祖藍擔住司儀，因此他與部份運動員相熟，再加上王祖藍在內地亮相不少綜藝節目，有一定的知名度，連跳水隊的全紅嬋及昌雅妮亦要加王祖藍微信做朋友，不少網民直指王祖藍厲害。王祖藍留言表示和新老朋友見面真的太開心，亦期待下一次見面：「合影大放送送送～今天因為直播時間關係，很遺憾有幾位運動員沒有採訪到，但還是很開心今天跟大家見面，香港歡迎你們」。王祖藍跟舉重選手侯志慧度高更是令網民爆笑，網民笑指，對方一隻手就可以將他抬起，請王祖藍要小心。

何沛珈攞簽名

至於何沛珈及陳庭欣同樣把握機會，二人分享收到運動員簽名、巴黎奧運紀念襟針。何沛珈有部分合照在王祖藍手上，一完活動便問對方攞相，之後又出帖文大晒戰利品，見到乒乓球選手孫穎莎、陳夢、樊振東在球拍上簽名：「好感恩好幸運能夠參與今次嘅奧運健兒大匯演，令我最激動嘅就係可以見到國家隊的奧運代表，佢地都好nice，可以搵到佢地合照！！而最最最開心就係攞到陳夢、樊振東、孫穎莎嘅簽名，真係太幸運啦！ #好感恩#好開心呀」，而汪明荃也有分享合照。

國家隊訪港群星爭合照：

陳庭欣獲區永權幫忙拍片，見到多位國家隊選手離場時揮手，甚至握手，陳庭欣又收到巴黎奧運紀念襟針作為禮物，開心在IG留言：「能夠再次有幸成為《奧運健兒展風采》嘅大會司儀之一，可以跟一班世界級頂尖嘅中國國家隊金牌健兒近距離見面同傾偈，仲欣賞到佢哋親身上陣嘅示範，本來已經係相當之興奮」。

區永權拍影片

陳庭欣續道：「估唔到喺歡送佢哋嘅期間，唔單止握到手，仲收到由衛冕成功嘅男子3米跳板金牌得主謝思埸 & 女子雙人3米板跳金牌得主昌雅妮 & 男子雙人10米高台跳水金牌得主楊昊親手送上嘅巴黎奧運紀念襟針，真係好驚喜呀！咁重要嘅一刻，好彩有Albert 幫我拍低咗，Thank You！」而區永權則搞笑稱返工打卡是必須的：「我真係好喜歡返工㗎，事關往往因為工作，而遇上一啲令人羨慕嘅時刻！」