星8卦丨「姑姑」畀綠帽「浮跨」戴 急嫁「才子」最終頂唔順分手
更新時間：11:30 2024-09-03
發佈時間：11:30 2024-09-03
發佈時間：11:30 2024-09-03
字體大小
「姑姑」 真係唔係行到最後一步，都唔會同「才子」分開，因為同太自我嘅人一齊，辛苦只有自己 。話說「姑姑」作為過江龍，都算好叻女，喺出生地同經理人搞埋一堆，最終畀人雪藏，搞到情緒病。
嚟到呢度搵方法識咗「浮誇」，屋企有好多唔見得光嘅錢，就梗係投身娛樂事業洗白啲身家啦 ！
相關閱讀：星8卦丨「甜甜」自力更生吊高嚟賣得罪「班霸」「東家」求開工待遇慘過做新人
「浮誇」鍾意清純，所以「姑姑」喺佢面前成日好早瞓覺，又唔去夜街，嗰幾年又真係畀到錢同工作機會 ，你哋又要服「姑姑」真係收心養性，完全做個正常人。但「浮誇」始終唔係可以托終身嘅人，所以「姑姑」好快就同「男主角」搞曖昧，博對方唔知道，試下大家可唔可以行落去 。
結果有次「浮誇」去搵「姑姑」，諗住佢瞓咗，所以唔出聲去睇下佢，點知唔見佢係屋企，於是開始注意佢嘅行蹤，結果踢爆自己戴緊綠帽，「浮誇」搵人教訓咗「男主角」，打到豬頭咁，就更加令「姑姑」下決心要分開。
喺落魄嘅情況下，佢見「才子」對自己一直唔錯，所以即刻話有咗同佢結婚 ，但「才子」咁多年唔勤力搵錢，唔養家之餘仲覺得自己好有才華， 久而久之「姑姑」覺得唔知為乜，所以等啲小朋友返晒小學，就提出離婚 ，呢幾年浮浮沉沉，錢搵唔到，但起碼有自由，身心健康啲！
其他文章：
星8卦丨「霸道」心計重逼走同門做一姐 嫁入富門無錢駛重出江湖𤓓爆
星8卦丨「純品」錯愛「怪人」被分手 用附屬咭支持靠「怪人媽」
星8卦丨「嬌嗲」「阿仔」真心相愛結良緣 奶奶變態行徑破壞夫妻關係
星8卦丨「高大媽」阻住阿仔拍拖出奇招 冷飯菜汁招呼「花旦」終分手
星8卦丨「忠心」嫁人被逼增肥扮醜 「高大」大男人真身暴現新婚變分居
