星8卦丨「敗家」痴迷「平凡」「正室」靠老爺度橋捉姦保住頭家

更新時間：11:30 2024-09-06
發佈時間：11:30 2024-09-06

講心計，兩個女人互鬥，得益未必係男人。好多人以為「敗家」結婚後就會收心養性，其實呢次結婚佢諗番係畀人屈。咁多年佢食女無數，而且專食身邊就手嘅，全部都係啲畸型怪雞feel，可能因為前妻太正，所以之後乜女人都得啩。

問題係「敗家」把口真係冧死女，佢亦通常對自己有幫助嘅人至出手，所以係結婚前已經同「平凡」搞埋一齊，後嚟「平凡」亦為自己諗出路，漸漸借「敗家」幫自己搵錢同出名，所以今次爭輸咗都博到好多人鬧「正室」。「正室」都唔係省油嘅燈，當初見到準老爺對自己好印象，講咗好多次話想個仔有個歸宿，所以用咗啲偈大咗個肚先，奉子成婚又令老爺好開心。

「正室」開頭都唔知「平凡」嘅存在，加埋生咗兩個掛住湊仔，但仔女返學之後留意到兩個狗男女啲動靜唔多對盤，所以搵老爺出手幫忙布天仙局，但都好多次至斷正。「正室」知道自己男人花心，亦唔敢太奢望佢會變好，但都要令佢顏面過得去，醜過自己，老過自己，仲要係埋一齊咁多年真係唔多平衡，好彩今次有老爺撐住，終於做番個大贏家，雖然係慘勝，仲要作咗咁大個故仔嚟收科，希望「正室」唔駛再有下次啦！

其他文章：

星8卦丨「甜甜」自力更生吊高嚟賣得罪「班霸」「東家」求開工待遇慘過做新人

星8卦丨「霸道」心計重逼走同門做一姐嫁入富門無錢駛重出江湖𤓓爆

星8卦丨「純品」錯愛「怪人」被分手用附屬咭支持靠「怪人媽」

星8卦丨「嬌嗲」「阿仔」真心相愛結良緣奶奶變態行徑破壞夫妻關係

星8卦丨「高大媽」阻住阿仔拍拖出奇招冷飯菜汁招呼「花旦」終分手