64歲文雪兒宣布「退休」！一個原因觸發要弄孫為樂 爭取時間與家人周圍去
發佈時間：11:00 2024-09-07
現年64歲、曾經被譽為「麗的四大花旦」之一的文雪兒，在70年代中期加入影圈，未夠16歲已成為邵氏武俠片的花旦。文雪兒其後加入電視圈，先後在佳視、麗的電視、亞視和TVB拍過劇，剛榮升做婆婆的文雪兒，為了三個寶貝孫仔，決定「退休」。
相關閱讀：64歲文雪兒再榮升做婆婆 宣布細女袁萃端午節前夕生B：搶閘出嚟食糭！
文雪兒為了三個寶貝孫仔決定「退休」：
文雪兒日前接受好友楊紹鴻的YouTube節目訪問，文雪兒坦言決定「退休」說：「其實我暫時同電視台唔續約，如果有啱嘅角色，可能心癢癢拍返都唔出奇，你知拍戲係有癮。其中一個原因係想有多啲時間同個孫玩，而家我有三個男孫，成日見吓呢個、睇吓嗰個係好開心。我仲想有多啲時間同屋企人周圍去。」 眾所周知，文雪兒的親姐姊是元福，但原來她的爸爸張玉成亦大有來頭，爸爸不單是山東京劇演員，而且還是七小福老師，專門教元華等人打觔：「爸爸喺于占元嘅戲劇學院入面，負責教佢哋北婆打觔斗，佢真係好嚴同好惡，仲話功夫唔打係唔會出嚟。」
文雪兒從小熱愛演戲生活，不過1986年文雪兒結婚並息影，先後誕下兩個女兒，對於當年這個決定，文雪兒說：「我覺得係另一個人生階段，係對自己一個要求，我都差唔多年紀，不如試下行下一步，嗰陣我冇計劃幾時行返出嚟，只係想停下。」文雪兒除了專心照顧女兒外，還有做生意：「不過之後我冇再做，見有啲時間，咪諗吓係咪可以行出嚟， 同細女傾完之後，發覺原來自己最鍾意都係做戲，結果咪打畀家豪哥（劉家豪），客串咗一個角色之後，咪繼續拍落去。」
文雪兒年輕時美照：
雖然文雪兒是花旦出身，復出後變成做媽媽角色，不過文雪兒並不介意：「呢一關我會比較容易過，因為我真係做咗媽咪，做人要知道自己嘅位置，嗰陣我復出拍劇嘅歲數，係冇可能可以做番小姐，佢唔安排個阿婆畀我做，已經偷笑。我反而諗自己想唔想要呢個角色，想唔想做阿媽嗰個戲。就唔會諗佢做唔做到我個仔，我自己冇呢啲框，講真我睇到啲前輩，佢哋敬業嘅態度真係要學。」
至於文雪兒今次「退休」的決定，她說：「其實唔可以退休，只不過係唔想畀一張合約綁住，你知合約係有承諾，或者佢到時成日叫住我，但係我又唔拍，好似推人戲，所以不如真係有啱嘅，咪再合作。始終年紀都唔細，而家拍攝,除咗體力，腦筋都好緊要，要顧及嘅嘢太多，我哋又要記對白、走位仲要情緒，呢啲都會係壓力，如果我哋真係做到，真係要好好珍惜。」
其他文章：
文雪兒細女懷孕33周BB輪廓似老公 盼平安健康出世與大仔相親相愛
文雪兒晒麗的四大花旦合體照賀聖誕！位位凍齡力驚人 68歲米雪最美艷如昔
文雪兒孫仔神態倒模「包租婆」姨婆元秋 隔代遺傳演藝細胞表情交足戲
62歲文雪兒晒三代同堂照宣布再做婆婆 細女Jennifer一索得男BB萌爆
72歲元秋現身佳視聚會與妹妹文雪兒米雪同框 臉頰圓潤心廣體胖好精靈
